Schwyzer Bobbahn

Us der alemannische Wikipedia, der freie Dialäkt-Enzyklopedy
Technischi Date
Name: Schwyzer Bobbahn
Typ: Stahlachterbahn/Sitzend
Längi: 487 Meter
Höchi: 19 Meter
Gschwindigkeit: ca. 50 km/h
Park: Europa-Park
Land: Dütschland
Härsteller: Mack Rides
Inversione: 0
Hügel: 1
Eröffnigsjohr: 1985
G-Kraft: max. 3 g

D Schwyzer Bobbahn isch e Achterbahn im Europa-Park z Ruescht. Si isch 1985 eröffnet worde und isch damals e richtigi Wältneuheit gsi. D'Wage vo dr Bahn fahre nit uf Schiine, sondern uf eme us Stahlrohr härgstellte künstliche Iiskanal.

Technischi Date[ändere | Quälltäxt bearbeite]

D 'Schwyzer Bobbahn bsitzt fünf Züg. Jede Zug bsitzt sechs Wage und in jedem Wage hän zwo Persone Platz. Total hän in jedem Zug zwölf Persone Platz. Pro Stund bsueche ca. 1'220 Persone die Bahn. Si isch 487 Meter lang und erreicht e maximali Gschwindigkeit vo 50 km/h. D'Bahn isch am höchste Punkt öppe 19 Meter hoch und d Fahrzit duurt öppe 1 Minute und 45 Sekunde. Es git vier Brämse. Somit könne alli Züg glychzitig uf dr Strecki fahre.

Gschicht[ändere | Quälltäxt bearbeite]

D'Bahn isch 1985 eröffnet worde und isch zu dere Zyt e absoluti Wältneuheit gsi: Die erschti Achterbahn, wo nit uf Schine fahrt. Somit isch dr Härsteller Mack Rides berühmt worde.

Fahrt[ändere | Quälltäxt bearbeite]

D'Stationsplattform vo dr Bahn bestoht useme originale Burehuus us Adelbode. S'Dach dervo isch mit ere 300 Tonne schwere Granitplatte überdeckt. Nochem Start zieht dr Kettelift dr Zug diräkt noch obe. Denn beschleunigt dr Zug uf ca. 50 km/h und fahrt dur e originals Schwyzerdorf us Holzhüser, wo aber erscht spöter errichtet worde isch.

Weblink[ändere | Quälltäxt bearbeite]