Poseidon

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Technischi Date
Name: Poseidon
Modell: Wasserachterbahn
Typ: Stahlachterbahn/Sitzend
Längi: 836 Meter
Höchi: 23 Meter
Gschwindigkeit: ca. 70 km/h
Park: Europa-Park
Land: Dütschland
Härsteller: Mack Rides
Inversione: 0
Hügel: 4
Eröffnigsjohr: 2000
G-Kraft: ca. 3 g
Europapark Poseidon.jpg

D'Poseidon isch e Wasserachterbahn im Europa-Park in Rust. Sie isch im Joor 2000 eröffnet worde. Domols isch Sie einzigartig gsi in Europa. Bis jetzt gits im Gardaland no e Wasserachterbahn vom Härsteller Intamin AG mit em Name Fuga de Atlantide. Dr Europa-Park bsitzt sogar 2 Wasserachterbahne. D'Poseidon und die wesentlich höheri Atlantica SuperSplash.

Gschicht[ändere | Quälltäxt bearbeite]

D'Poseidon isch im Joor 2000 vom Härsteller Mack Rides im Themeberych Griecheland zum 25-jährige Jubiläum vom Park eröffnet worde.

Technischi Date[ändere | Quälltäxt bearbeite]

D'Poseidon bsitzt 22 Boot. Jedes Boot bsitzt 4 Reihe, in jedere Reihe hän 2 Persone Platz. Pro Schtund bsueche ca. 1'600 Persone d'Poseidon. Insgesamt bsitzt d'Bahn 4 Hügel. Dr letschti isch dr Höhepunkt.

Fahrt[ändere | Quälltäxt bearbeite]

Z'erscht fahrt dr Wage usem Tämpel ins Wasser. Denn gohts ruhig dur e vergässeni oder versunkeni griechischi Stadt. Denn wächslet s'Boot uf Schiene und wird uf 20 Meter ufezoge. Denn gohts liecht inere zweifache Kurve durab und wieder duruf. Nochhär gots inere vierfache Kurve durab und duruf. Alli Kurve hän bis hetzt noch links gfüehrt. Denn gohts inere eifach Kurve noch links durab, inere eifache Kurve noch rächts liecht duruf und wieder durab ins Wasser. Denn fahrts Boot langsam durs Wasser und wird nochhär sogar uf 23 Meter ufezoge. Es folgt e zweifachi Kurve noch rächts und denn gohts ganz durab. Ins Wasser. Es folgt e kurzi Wasserfahrt und denn gohts wieder in d'Station.