Schluchseewärch

Schluchseewärch AG
Unternähmensform	Aktiègsellschaft
Gründig	1928
Sitz	Laufèburg, Dütschland
Umsatz	100 Mio. Euro (2015)
Branche	Chraftwärchsbedryb
Uffdritt im Netz	www.schluchseewerk.de

S Schluchseewärch AG isch dè Bedryber vo füüf Bumpspycheraalagè im südlichè Schwarzwald z Baddè-Württèbärg. D Hauptvowaltig isch z Lauffèburg.

Aadeilseigner a dè Schluchseewärch AG sin d RWE (50 %), EnBW (37,5 %), Energydiènscht (7,5 %) un d Energydiènscht Holding AG (5 %)^[2] (letschteri sin Döchter vo dè EnBW).

Gschicht

D Schluchseewärch AG isch 1928 gründet worrè. Iren Hauptsitz isch z Fryburg i dè Rempartstrõß gsi. Im Johr 1931 isch s Chraftwärch Hüsèrè as Netz gangè. Wôrend sich d Arbètè am Chraftwärch Witznau infolg vo dè Wältwǜrtschaftskrisè bis is Johr 1943 vozögerèt hèt, hèt dè Büèz am Chraftwärch Waldshuèt wègè m Zweitè Wältchrièg 1944 komplètt ygschtellt wörrè müèsè. Èrscht 1951 (sechs Johr nõch Chriègsènd) isch s Wärch z Waldshuèt fèrtiggschtellt worrè. Im glychè Johr hèt d Gsellschaft d Blään für d Wuètèschluchtstaumuèr gschmydèt un e s umfangrych erwiterèt. Uffgrund vo Bedenkè im Nadur- un Umwältschutzberych un wègèm breitè Widderschtand i dè Bevölkerig isch s Brojèkt 1960 vo dè Landesregyrig ygschtellt worrè.

Im Johr 1967 isch s Kavernèchraftwärch z Säckingè, wo durch s Eggbärgbeggi gschpysè wörd, as Netz gangè. Zitglych isch d Inbedrybnaam vo dè Laschtvodeilig/Schaltaalaag Kühmoos übber d Bünni gangè, als Stüèrungszèntralè vo dè Bumpschpycherchraftwärch, wo vo dè Schluchseewärch AG betribbè wörrèd. Im Johr 1976 isch ußerdèm s Kavernèchraftwärch Weer mit èm Weera- un èm Hornbärgbeggi as Netz gangè. Wèg dè Sanyrungsmaßnaamè isch dè Schluchsee 1983 abgsènkt worrè, wa zaalrychi Schauluschtigi aaglockt hèt.

Sit 2004 hèt s Schluchseewärch AG diè technischi un kaufmännischi Bedrybsfüürig für s Rhychraftwärch Albrugg-Dogèrè. Sèll Laufwasserchraftwärch isch im Dezèmber 2009 durch è Weerchraftwärch erwiterèt worrè un lifèrèt im Mittel 650 Millionè Kilowattschtundè Stròm bro Johr. Dè Stauruum vom Rhychraftwärch bruucht s Bumpspycherwärch Waldshuèt als Unterbeggi (luèg au unnè).

D Hauptvowaltig isch Èndi 2006 nõch Laufèburg volait worrè.^[3]

Aalaagè

Schluchseegruppè

Diè sognannti Schluchseegruppè wörd uss drei Bumpschpycherchraftwärch bildet, diè hinterènand kaskadiert sin un so zämmè dè gröschte Wasserchraft-Komplèx z Dütschland bildè. Diè mittleri Fallhöchi vo Gsamtaalaag bedrait 610 m, diè kumulyrti Stollèlängi 24,853 km un diè jöhrlich erzügti Stròmmengi 520 Mio. kWh.

Im Turbinèbedryb strömt Wasser uffgrund vom topographischè Gfälle durch Druggschtollè uss èm nammensgäbbendè Schluchsee nõchènand zu dè drei stromerzügendè Chraftwärch un glangt schlièßlich bi Albrugg i dè Hochrhy. Umkeert wörd im Bumpbedryb unter dè Uffwendung vo elegtrischer Energy Wasser uss èm Rhy i dè 619 m höcher glègène Schluchsee bumpt. D Druggschtollè hèn èn Durchmesser vo mee als vyr Meter. Si vofüègèd jewyls übber è Wasserschloss. S Wasserschloss vo dè Unterschtufè isch mee als 160 m hoch.

Diè folgendi Tabellè lischtet diè drei Bumpspycherchraftwärch mit irè zuèghörigè Spycherbeggè un einigè technischè Datè uff:

Chraftwärch	Leischtung im Turbinè-/Bumpbedryb	mittleri Fallhöchi	Obberbeggi (Stauzyl)	Unterbeggi (Stauzyl)	Bauzit
Hüsèrè („Obberschtufè“)	100 MW / 100 MW	200 m	Schluchsee (930 müNN)	Schwarzabeggi (723 m ü. NN), Albbeggi (736,5 m ü. NN)	1929–1931, 19??–1941
Witznau („Mittelschtufè“)	220 MW / 128 MW	250 m	Schwarzabeggi (723 m ü. NN), Mettmabeggi (717,5 m ü. NN)	Witznaubeggi (474,5 m ü. NN)	1939–1943
Waldshuèt („Unterschtufè“)	150 MW / 80 MW	160 m	Witznaubeggi (474,5 m ü. NN)	Rhyschtauruum vom Rhychraftwärch Albrugg-Dogèrè zämmè mit èm Aubeggi (beidi 311 m ü. NN)	1942–1951

Hotzèwaaldgruppè

Diè beidè vonènand unabhängigè, im Hotzèwaald glègènè Bumpspycherchraftwärch bildè diè sog. Hotzèwaaldgruppè. Beidi sin in Kavernèbauwys uusgfüürt, un s Säckinger Chraftwärch isch s èrschte dütsche Bumpschpycherchraftwärch in Kavernèbauwys.^[4]

Diè folgendi Tabèllè lischtet diè beidè bestehendè Bumpschpycherchraftwärch mit irè zuèghörigè Spycherbeggè un è baar technischi Datè uff sowiè diè derzit blaante drittè Aalaagè:

Chraftwärch	Leischtung im Turbinè-/Bumpbedryb	mittleri Fallhöchi	Obberbeggi (Stauzyl)	Unterbeggi (Stauzyl)	Bauzit
Säckingè	360 MW / 300 MW	400 m	Eggbärgbeggi (700 m ü. NN)	Rhyschtauruum Rhychraftwärch Säckingè (289 m ü. NN), Rhyschtauruum Chraftwärch Ryburg-Schwörschtadt (281 m ü. NN)	1961–1967
Weer	910 MW / 980 MW	625 m	Hornbärgbeggi (1.048 m ü. NN)	Weerabeggi (419 m ü. NN)	1968–1976
Atdorf	1.400 MW / ??? MW	ca. 600 m	Hornbärgbeggi II (1.017,7 m ü. NN)	Haselbeggi (400 m ü. NN)	2016Vorlage:Zukunft–2021Vorlage:Zukunft (in Blaanung)

S Weerabeggi, uffgschtaut durch d Weeradalschperri, hèt zuèsätzlich è Chlywasserchraftwärch mit Durchschtrömturbinè un èrè Leischtung vo 1,135 MW.

Suschtiges

D Schluchseewärch AG bewǜrtschaftet zuèdèm 14 Spycherbeggi, devò vyr Rhyschtaurüüm.

Zum Schluchseewärch ghört au s Umschpannwärch Küèmoos.

Bi dè Yheimischè isch s Schluchseewärch als Arbètgäbber belièbt, un wörd lièbevoll-spöttisch oft als Schluri bezeichnèt.

Literadur

Adolf Eisenlohr: Das Schluchseewerk. In: Die Bautechnik, 8. Johrgang, Heft 17 (18. April 1930), S. 259–263.

Einzelnõchwys

↑ Geschäftsbericht 2015. Abgruefen am 3. Mai 2016.
↑ Schluchseewerk AG - Aktionäre. Abgruefen am 19. September 2015.
↑ Schluchseewerk AG - Geschichte. Abgruefen am 19. September 2015.
↑ Hotzenwaldgruppe. Abgruefen am 19. September 2015.

Weblinggs

Commons: Schluchseewerk – Sammlig vo Multimediadateie

Schluchseewerk AG

47.557378.04542Koordinate: 47° 33′ 26,5″ N, 8° 2′ 43,5″ O

Dä Artikel basiert uff ere fräie Übersetzig vum Artikel „Schluchseewerk“ vu de dütsche Wikipedia. E Liste vu de Autore un Versione isch do z finde.

[1] Geschäftsbericht 2015. Abgruefen am 3. Mai 2016.

[2] Schluchseewerk AG - Aktionäre. Abgruefen am 19. September 2015.

[3] Schluchseewerk AG - Geschichte. Abgruefen am 19. September 2015.

[4] Hotzenwaldgruppe. Abgruefen am 19. September 2015.

[1]

[2]

[3]

[4]