Schlacht bi Héricourt
| Schlacht bi Héricourt | |||||||
|---|---|---|---|---|---|---|---|
| Deil vo: Burgunderchrieg | |||||||
 Karl dr Küehn, Herzog vo Burgund (1433-1477), um 1460 | |||||||
| |||||||
| Konfliktparteie | |||||||
| Karl dr Küehn vo Burgund | Eidgenosse, Habsburg | ||||||
| Befählshaber | |||||||
| Henri de Neuenburg-Blamont | Wilhelm Herter (Niideri Vereinigung), Niklaus II. vo Scharnachthal (Bärn), Willi Techtermann (Freiburg) | ||||||
| Truppesterki | |||||||
| 12.000 Maa (6.800 Söldner und 5.000 Italiäner vom Groof vo Romont) | 18.000 Ma (drvo öbbe 10.000 Östriicher, Elsässer, Niideri Vereinigung) | ||||||
| Verlust | |||||||
| öbbe 3.000 Doti | öbbe 400 Doti | ||||||
| Schlachte in de Burgunderchrieg (1474 – 1477) |
|---|
| Neuss – Héricourt – Planta – Grandson – Murte – Nancy |
D Schlacht bi Héricourt isch die ersti militärischi Usenandersetzig in de Burgunderchrieg. Si het am 13. Novämber 1474 bi Héricourt im hütige französische Departemänt Haute-Saône stattgfunde.
Dr Kaiser Friedrich III. isch mit em Karl em Küehne im Chrieg gsi, wil dä en expansionistischi Bolitik driibe het. D Eidgenosseschaft het sich in dr Ewige Richdig mit de Habsburger verbündet, und im Novämber 1474 het dr Chrieg gege Burgund aagfange. Zwei Armeä vo de Eidgenosse und dr Niidere Vereinigung si ins Elsass iidrunge. Am 8. Novämber hai si Héricourt afo belagere. D Burgunder hai en Armee mit 12'000 Maa under dr Füehrig vom Groof Heinrich vo Neueburg-Blamont uf Héricourt gschiggt. Wo si in d Nöchi vo dr Stadt cho si, hai se d Eidgenosse aagriffe und d Burgunder in zwei Schlachte besiigt. Héricourt het sich ergää und isch vo de Habsburger bsetzt worde. Noch dr Schlacht het dr Karl dr Küehni agfange, Lothringe z bsetze.