Schinätraggtor

Traktor Te 2/2 11 vo de tpf, z Büll im Kanton Friburg

Ä Schinätraggtor isch ä Motorwage wu eleggtrisch oder mit Disel uf Schinä fahrt. Me bruucht diä Fahrzüüg vor allem für Rangschiärmanöver und für ä Streggänunterhalt. Än anderi Bezäichnig isch „Drësinä“. I dr Schwiiz wärdet d Buuräihe vu de Traggtore mit „Te“ oder „Tm“ bezäichnet – das bedüüted „Traggtor eleggtrisch“ oder „Traggtor motorisiert“. Mer cha diä Fahrzüüg nüd gnau iiordnä. Schinätraggtore sind au Rangschiärloggene. Im grosse Ganzä sind di richtigä Schinätraggtore zwäiachsig. Ass so zwäiachsigi Fahrzüüg in Streggädiänscht chänd, gits mängmal bi Schmalspurbahne. Under denä gits zum Bischpiil in Düütschland Fäld- und Waldbahne. Deet fared d Schinätraggtore oft mit Akku oder mit Disel.