Schöneggbrunne

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen


Dr Schöneggbrunne
Dialäkt: Baseldütsch

Dr Schöneggbrunne isch en öffentlige Brunne an dr Dalbe-Vorstadt 49 am Egge zum Müülibärg in dr Stadt Baasel. Er stoot sit 1915 under Dänggmolschutz und isch äins vo de Baasler Kulturgüeter, wo für d Region vo Bedütig si.

Beschriibig[ändere | Quälltäxt bearbeite]

Dr Brunne het e kwadratische Droog us Kalchstäi, wo an de Egge abgrundet isch. Dr Droog isch fümf uf fümf Meter grooss und isch bis 1935 dr grösst in dr Stadt gsi. Die viereggigi Süüle vom Brunnestogg isch in drei Däil iidäilt. Dr underi und ooberi Däil si nume mit Rächtegg gschmüggt, dr middleri mit Loorbeerbletter. Zooberst uf dr Süüle stoot en Urne, wo Florstoff drahängt.

Hinder em Brunne befindet sich s Huus zum Schönegg, wo dr Melchior Berri vo 1840 bis 1844 baut het.

Gschicht[ändere | Quälltäxt bearbeite]

Er isch sit dr zwäite Helfti vom 18. Joorhundert in Betriib. 1938 het mä s Original mit ere Kopii ersetzt.

Kwelle[ändere | Quälltäxt bearbeite]