Sandra Weiss

D Sandra Weiss (* 16. Augschte 1976 z Memmenga) isch e dytschi Sängeri vu volksdiimlige Schlaager.

Lääbe

D Weiss isch z Schwoobe un z Holland ufgwagse un isch derno z Mindelheim z Schwoobe uf d Schuel gange. No dr Schuel het si Ainzelhandelschauffrau im Modeberaich gleert.

Scho ase chlai het si bi lokaale Veraastatlige gsunge un isch scho mit nyyn Joor uf dr Biini gstande. Si het au bin ere Big Band mitgmacht, wu si entdeckt wooren isch. Anne 1993 isch ire eerscht Album uusechuu. No Erfolg bi me Noowugsschlaagerfeschtiwäl 1994 het si verschiideni Ufdritt im Fäärnsee un Raadio ghaa. Mit em Titel Ich suche nicht das Paradies het d Weiss fir d Schwyz bim Grand Prix vu dr Volksmusik 1997 mitgmacht un het där Wettbewäärb gwunne. Ab deert isch d Sängeri vyylmool as Gascht bi verschiidene volksdiimlige Fäärnseesändige ufdrätte. Anne 1999 het si d Chroone vu dr Volksmusik iiberchuu. Ab dr 2010er Joor isch s rueiger um si woore.

Diskografy

1993: Meine Gefühle
1997: Ich suche nicht das Paradies
1998: Ich hab das Lachen noch nicht verlernt
1999: Persönlich
2000: Kerzenschein und Orangenduft (Wynäächtsalbum)
2001: Mein Reich der Melodien
2002: Etwas das nie mehr vergeht
2004: Erfrischend gut

Weblink

Commons: Sandra Weiss – Sammlig vo Multimediadateie

Dä Artikel basiert uff ere fräie Übersetzig vu dere Version vum Artikel „Sandra_Weiss“ vu de dütsche Wikipedia. E Liste vu de Autore un Versione isch do z finde.