Samuel Arnold (Komponist)
Dr Samuel Arnold (* 10. August 1740 z London; † 12. Oktober 1802 z London) isch en änglische Komponist gsi.
Biografii
[ändere | Quälltäxt bearbeite]Dr Arnold isch in dr königliche Vokalkapälle under em Gates und Rares usbildet worde und isch scho mit sinere erste Opere The Maid of the Mill (1764) und mit em Oratorium The Cure of Saul (1767) bim Publikum beliebt worde.
1783 er königliche Hoofkomponist worde, 1789 Diräkter vo dr Academy of Ancient Music, 1793 Organist an dr Westminsterabtei. Er isch am 12. Oktober 1802 z London gstorbe.
Wärk
[ändere | Quälltäxt bearbeite]Dr Arnold het mee as 40 Opere und Intermezzi gschriibe, wo alli populäär gsi si, aber nit so bedütend si wie sini Chillekomposizioone, vor allem sini siibe Oratorie.
Si wichdigsts Wärk isch d Cathedral Music, e Sammlig vo de beste chirchlige Komposizioone vo änglische Mäister (1790, vier Bänd), wo dr Rimbault 1847 nöi uusegee het. Au en Usgoob vo de Wärk vom Händel in 36 Foliobänd het er under de Auspizie vom Köönig (London 1786 ff.) in ere brachtvolle Usstattig uusebrocht.
Kwelle
[ändere | Quälltäxt bearbeite]- Arnold, 3) Samuel. In: Meyers Konversations-Lexikon. 4. Uflag. Bd. 1, Bibliographisches Institut, Leipzig 1885–1892, S. 858.
|
Dä Artikel basiert uff ere fräie Übersetzig vum Artikel „Samuel_Arnold_(Komponist)“ vu de dütsche Wikipedia. E Liste vu de Autore un Versione isch do z finde. |