Sammy Mahdi

Des isch einer vo de läsige Artikel.
Us der alemannische Wikipedia, der freie Dialäkt-Enzyklopedy
Dr Sammy Mahdi.
Dialäkt: Mìlhüüserdiitsch

Dr Sammy Mahdi (* 21. Septamber 1988 z’ Ixelles/Elsene, Regioon Brüssel-Hàuiptschtàdt) ìsch a belgischer Politiker vu dr Pàrtäi Christen-Democratisch en Vlaams (CD&V). Ar ìsch ànna 2019 ìn d’ Belgischa Àbgoordnetakàmmer gwählt worra un ìsch ìm Oktoower 2020 Schtààtssekretäär fìr Àsyl un Wànderung ìn dr Regiarung De Croo worra.

sii Laawa un Kàrriar[ändere | Quälltäxt bearbeite]

Jugend un Ààfàng ìn lokààla Politik[ändere | Quälltäxt bearbeite]

Dr Sammy Mahdi ìsch ànna 1988 z’ Ixelles/Elsene bii dr belgischa Hàuiptschtàdt Brüssel uff d’ Walt kumma. Ar ìsch dr Suhn vun’ra fläämischa Belgera un vu’ma schiitischer Iràker.[1][2] Siina Fàmìlia müatterliigersitts schtàmmt üss Moerbeke-Waes ìm Oschtflandra, un siina Fàmìlia vàtterliigersitts kummt vu Basra ìm Süüda vum Iràk.[3] Dr Vàtter ìsch àm And vu da 1970. Joohra àls Flìchtlìng ìm Belgia kumma —ar hàt d’ Diktàtüür vum Saddam Hussein gflechta.[4] Uffgwàcksa-n-ìsch dr Mahdi z’ Brüssel;[5] ar ìsch ìn a nìederlandischschprààchiga Schüal gànga.[6] Ar hàt gsajt, àss’r ìn siinera Jugendsjoohra waga siinera Àbschtammung beschìmpft un benochtailigt worra-n-ìsch.[1]

Dr Mahdi hàt z’äärscht Politikwìssaschàft àn dr nìederlandischschprààchiga Fräija Üniwärsiteet vu Brüssel gschtudiart. Ar hàt drnooh a Maischterpriafung vum internàzionààla un öiropäischa Racht bschtànda.[2] Vu 2014 bis 2017 ìsch’r pàrlàmantàrischer Mìtàrwaiter biim fläämischa-n-Àbgoordnet Joris Poschet gsìì. Naawadràà ìsch’r ànna 2015 Mìtglìed ìn dr Jugendàbtailung vu dr fläämischa chrìschtdemokràtischa Pàrtäi Christen-Democratisch en Vlaams (CD&V) worra. Ìm März 2017 ìsch’r Vorsìtzender vu dara Àbtailung worra, un ìsch ìm Nowamber 2019 nochamol gwählt worra. Zwìscha 2015 un 2017 hàt’r àui z’ Molenbeek d’ Bezirksàbtailung vu dr CD&V glaita. Ar ìsch àwwer schpeeter uff Vilvoorde ìm Fläämisch-Brabant gwàndelt. Doo ìsch’r Laiter vu dr CD&V-Grupp ìm Gmaindaroot gsìì.

Ìm Sommer 2017 hàt dr Mahdi zamma mìt dr Jugendàbtailung vu dr CD&V s’ And vu da keenigliga Dotàzioona fìr dr Prìnz Laurent befìrwortet: Dr Prìnz hàt mehrera kineesischa Wìrdatraager ààgtroffa ghàà ohna Züaschtìmmung vu dr belgischa Regiarung.[7]

Noh-n-em Uffrüahr vu màrokkànischa Füassbàllààhanger z’ Brüssel ìm Nowamber 2017 hàt dr Mahdi ìn dr Zittung Le Soir s’ „Gsìndel“ verpaitscht.[8] Siina Kolumna hann ràdikàla Lìnkspolitiker kritisiart.[2]

äärschta Schrìtta ìn federààla Politik[ändere | Quälltäxt bearbeite]

Ìm Oktoower 2019 hàt sìch dr Mahdi-n-uffgschtällt, fìr Pàrtäivorsìtzender vu dr CD&V wara. Ar hàt d’ ìnnera Schtrüktüür vu dr Pàrtäi wälla umschtälla, dänn sa säjga „veràltet“ gsìì.[9] Ìn dr äärschta Runda vu dr Wàhl hàt’r 19 Prozant vu da Schtìmma bikumma, un ìn dr zwaita Wàhlrunda hàt’r numma 46,88 Prozant vu da Schtìmma bikumma; ar ìsch àlso vum Joachim Coens gschlààga worra.[10][11]

Àn dr Pàrlàmantsàhl vu 2019 ìsch dr Mahdi Schpìtzakàndidàt vu siinera Pàrtäi ìm Fläämisch-Brabant gsìì un ìsch àls Àbgoordnet’r gwählt worra. Ìm März 2020 ìsch’r Fràkzioonsvorsìtzender vu dr CD&V ìm Pàrlàmant worra —wagadam ìsch’r àls Vorsìtzender vu dr Jugendàbtailung vu siinera Pàrtäi z’rucktratta.

Ìm März 2020 hàt dr Mahdi dr belgischa Juschtizminìschter Koen Geens ìm federààla Pàrlàmant àls ääarschter Schtällvertratter ärsätzt.[11]

àls Schtààtssekretäär fìr Àsyl un Wànderung[ändere | Quälltäxt bearbeite]

Àm 1. Oktoower 2020 ìsch dr Mahdi àls Schtààtssekretäär fìr Àsyl un Wànderung ìn dr Regiarung De Croo ärnännt worra, àls Noohfolger vum Theo Francken.[N 1] Àn dara Schtälla ìsch’r eewafàlls veràntwortlig fìr d’ Nàzionààllotrii. Dr Mahdi maint, àss d’ Üsswiisunga vu wìederrachtliga-n-Iiwànderer a wasentliger Tail vu dr belgischa Solidàriteetssyschtääm un Àsylpolitik sìnn.[12] Ìn siina Àuiga soll s’ Belgia nìt verpflìchtet sìì, àlla Iiwànderer z’ ämpfànga.[13] Ar wìll àwwer, àss d’ Àsylprozassverfàhra schnaller bhàndelt wara.[14] Fìr dàs hàt’r a unàbhangig Audit-Büro um Hìlf gebeta.[15]

Vu Mai bis Jüüli 2021 sìnn z’ Brüssel 456 wìederrachtliga-n-Iiwànderer ìm Hungerschtraik gsìì, fìr àss ma-n-ìhra Pàpirer ìn Ordnung brìngt.[16] D’ Àkzioon hàt ìnnerhàlb vu dr Kìrich vum Hl. Johànnis dr Tàifer àn dr Beginhoof ìm Brüsseler Schtàdtzäntrum schtàttgfunda, so wia-n-uff da baida Glander vu dr Fräija Üniwärsiteet vu Brüssel.[16] Dr Schtraik hàt a politischa Krisa ìn dr belgischa Regiarung üssgleest: zwai Sunderberìchter vu da Verainta Nàzioona hann gschrìewa, àss d’ belgischa Regiarung d’ Grundrachta vu da Iiwànderer àchta un ìn da Schtraiker ìhra Pàpirer ìn Ordnung brìnga soll.[17] Züadam hann d’ Soziàlischta Pàrtäi un d’ Pàrtäi Ecolo-Groen, àss sa üss’m Regiarungsbìndniss z’rucktratta känna, wänn d’ Lààg schlìmmer wìrd.[17][18] Dr Schtààtssekretäär Mahdi hàt z’äärscht mìt da Schtraiker nìt wälla verhàndla.[19][20] Schpeeter hàt’r àwwer a „nöitrààla Zoona“ bii dr Kìrich loh iirechta, fìr ìn da Iiwànderer ärkläära, wia sa ìhra Pàpirer ìn Ordnung känna brìnga, wänn’s meeglig gsìì-n-ìsch.[21] Doo hàt’r a Vertratter gsanda, fìr mìt da Schtraiker verhàndla, wo vu Veraina un vu’ma Priaschter unterschtìtzt worra sìnn.[22] Naawadràà hàt’r a Kommünikàzioonskàmpània looh iifiahra, fìr àss ma nìt glàuibt, àss ma-n-àlla Iiwànderer ìhra Pàpirer ìn Ordnung brìnga wìrd.[23][24] Naamlig hàt dr Mahdi gmaint, àss’s kää Üssnàhm vum Üsslanderracht gaa soll.[25] Ìm Jüüli sìnn baida Sitta uff a Àbkumma ànakumma, fìr ìn ainiga vu da Schtraiker ìhra Pàpirer ìn Ordnung brìnga un dr Schtraik schluss màcha.[26][27] Noh dr Protäschtàkzioon sìnn dr Mahdi un d’ viar Vertratter dur dr Üssschuss fìr Ìnnera Ààglagahaita vu dr belgischa-n-Àbgoordnetakàmmer verheert worra.[28] Ìm Dezamber 2021 hann fìmfa vu da Schtraikenda dr Schtààt verklàgt, dänn d’ Regiarung hatt s’ Àbkumma nìt räschpaktiart.[27] Doo drbii sìnn sa vu zwai Veraina unterschtìtzt worra.[29] Ìm Nowamber hann ainiga vu da Schtraiker nochamol ààgfànga ghàà, ìn dr Beginahoofskìrich z’ schtraika.[30]

Ìm Àuigscht 2021, kurz vor äbb d’ Taliban d’ àfghànischa Hàuiptschtàdt Kabul äroowert hann, hàt dr Mahdi dr öiropäischa Schtällhàlta-n-àbkumma um d’ Üsswiisunga ìns Àfghànischtàn àbglahnt. Ar hàt behàuiptet, àss „fìr bschtìmmta Persoona, ìn bschtìmmta Regioona, a Ruckkehrpolitik meeglig sìì soll“.[31][32] Ar hàt a Briaf àn d’ Öiropäischa Kummissioon gschrìewa, fìr Leesunga ìm Iràn un ìm Pakischtàn befìrworta.[33][34] Siina Mainung ìsch unteràndrem vu da Mänscharachtsorgànisàzioona ECRE[33] un Amnesty International kritisiart worra. Àlso hàt dr Mahdi gsajt, àss dr Schtààt dr Mainung vum belgischa Generààlkummissàriàt fìr Flìchtlinga un Schtààtsloosa (CGRA/CGVS) folga wìrd.[35]

Wahrend siim Àmtszitt àls Schtààtssekretäär hàt dr Mahdi mehrera Àbkumma mìt Orgànisàzioona so wia mìt da nochberliga Lander unterzaichnet. Àm 26. Oktoower 2021 hàt’r zamma mìt’m Nìederland un em Luxemburg a Àbkumma-n-unterzaichnet, fìrs Zammaschàffa zwìscha da dräi Lander ìm Rààhma vu da öiropäischa Dublin-Verordnunga z’ verschtärka.[36] Àm 16. Dezamber 2021 hàt’r a Vertrààg mìt’m Öiropäischa-n-Unterschtìtzungsbüro fìr Àsylfrooga (EASO) unterzaichnet, fìr àb Janner 2022 ìn da belgischa Beheerda hìlfa, d’ Àsylbewarwer z’ ämpfànga.[37] A pààr Taag schpeeter, àm 24. Dezamber, hàt’r a Àbkumma mìt dr kàthoolischa Gmainschàft Sant’Egidio unterzaichnet, fìr a humànitäära Durchgàng iirechta fìr äbb 250 verwundbàra Flìchtlìnga, wo Sìcherhait ìm Belgia fìnda wälla.[38]

Àls Schtààtssekretäär fìr Àsyl un Wànderung hàt dr Mahdi d’ Ruckkehrpolitik vum Belgia verschtärkt: Ìm Joohr 2021 hann 5.340 Üsslander s’ Lànd müassa fàraloh.[39] Ìm Oktoower 2021 hàt dr Mahdi s’ äärschta regionààla Ruckkehrbüro loh äffna, fìr ìn da àbgwìesena Iiwànderer uff’m Ruckkehr ìns Lànd beglaita.[40] Ìm gliicha Monet hàt’r àui a Informàzioonskàmpània uff da soziààla Nätzwark loh iifiahra, fìr ìn da àlbànischa Iiwànderer drvu awagbrìnga, ìm Belgia Àsyl z’ bewarwa.[41][42] Dr Mahdi hàt àui zwai umschtrìttena främda moslämischa Preediger wälla üsswiisa: Ìm Jüüni 2021 hàt’r z’äärscht versüacht, dr màrokkànischa Imam Abdallah Ouahbour üssz’wiisa —dr Ouahbour hann d’ belgischa Sìcherhaitsbeheerda àls a gfoohrliger Hàsspreediger bschrìewa ghàà. D’ Üsswiisungsààtrààg ìsch àwwer vu’ma federààla Grìcht àbglahnt worra.[43] Ìm Janner 2022 ìsch’s àwwer ìm Mahdi glunga, dr umschtrìttena Imam Mohamed Toujgani üss’m Lànd üssz’wiisa, wo-n-eewafàlls a Hàsspreediger gsìì säjg.[44][45]

Wahrend ìm Mahdi siim Àmtszitt ìsch s’ belgischa Àsylsyschtääm ìwwerlàschta gsìì.[46][47] D’ belgischa Regiarung un dr Schtààtssekretäär Mahdi sìnn mehrmols vun Orgànisàzioona verklàgt worra, wial ìm Belgia vìel Àsylbewarwer —drunter unbeglaiteta Mìnderjahriga— uff dr Schtrooss schloofa.[48][49][50] Ìm Janner 2022 ìsch dr belgischa Schtààt vu’ma federààla Grìcht verurtailt worra, dänn’r hàt geega s’ internàzionààla Àsylracht verschtoossa.[51] Ìm Hornung 2022 hàt dr Mahdi a Äntschaidung vu’ma Rìchter ààgfachta, wo gsajt hàt, àss s’ Belgia ìn da Iiwànderer, wo schun Àsyl ìn’ma àndra EU-Lànd erhàlta hann, a Uffnàhmaplàtz züawiisa müass.[52]

Àm 12. Janner 2022 hàt Schtààtssekretäär Mahdi zamma mìt dr Àrwetsminìschtera Hilde Crevits a Àkzioonsplàn vorgschtällt, fìr d’ Àsylbewarwer bassr ìn dr Àrwetsmàrkt integriara. Dr Plàn, wo „Asylum see match“ haisst, ìsch unteràndrem vum Fedasil äntwìckelt worra, ìn Zammaschàffa mìt Unternamma.[53][54][55] Üsserdam hàt dr Sammy Mahdi d’ Grundsatz vu’ma „Wànderungsbüach“ vorgschtällt, wo-n-àm 4. Hornung 2022 vum belgischa Minìschterroot biigschtìmmt worra-n-ìsch. S’ Ziel vum Büach ìsch, s’ belgischa Wànderungsracht z’ verbässera un uffhala verschtandlig z’ màcha. Äntwìckelt worra-n-ìsch’s vun’ra unhàbhangiga Kumissioon mìt Rachtsprofasser, Schtààtsbeheerda un Veraina, wo ìn da Iiwànderer halfa. Dajeenig Büach hann d’ vorhaariga Regiarunga wälla vorschtälla ghàà, hann’s àwwer nìt gmàcht ghàà.[56]

Sunschtigs[ändere | Quälltäxt bearbeite]

Dr Sammy Mahdi reedet fliassend nìederlandisch un frànzeesch.[2] Sitter 2016 schribbt’r uff a reegelmaassiga-n-Àrt àls Kronìscht fìr d’ nìederlandischschprààchiga Zittung De Morgen.[57]

Ìm Joohr 2017 hàt dr Sammy Mahdi àn dr bekànnta fläämischa Farnsahsandung De Slimste Mens ter Wereld mìtgmàcht; doo hàt’r sii Hund mìtgbràcht.[2][58][11]

Weblinks[ändere | Quälltäxt bearbeite]

 Commons: Sammy Mahdi – Sammlig vo Multimediadateie

Ainzelnohwiisa[ändere | Quälltäxt bearbeite]

  1. 1,0 1,1 Adrien de Marneffe: Sammy Mahdi n’est jamais parvenu à rentrer en boîte de nuit et se faisait traiter de “macaque” au foot : “La discrimination, je l’ai connue toute ma vie”. In: La DH. 24. Oktober 2020, abgruefen am 16. Januar 2022 (französisch).
  2. 2,0 2,1 2,2 2,3 2,4 K. L.: Sammy Mahdi, son chien Pamuk et la racaille de Bruxelles : portrait du nouveau secrétaire d'Etat à l'Asile et migration. RTBF, 1. Oktober 2020, abgruefen am 11. Februar 2022 (französisch).
  3. Béatrice Delvaux, Martine Dubuisson: Les Racines élémentaires de Sammy Mahdi: «Je pense être la preuve que le melting-pot est possible». In: Le Soir. 3. April 2021, abgruefen am 11. Februar 2022 (französisch).
  4. Son of a refugee, Belgium's migration minister is no 'token Ali'. France 24, 11. Februar 2022, abgruefen am 11. Februar 2022 (änglisch).
  5. Adrien de Marneffe: Sammy Mahdi, secrétaire d’état à la migration, se livre : “ce n’est pas parce que j’ai ma couleur de peau que je suis pour toute forme de migration”. In: DH Les Sports+. 24. Oktober 2020, abgruefen am 13. Februar 2022 (französisch).
  6. H4Info, AFP: Belgique: Sammy Mahdi, ministre et fils de réfugié qui hérite du dossier de l’immigration. 11. Februar 2022, abgruefen am 11. Februar 2022 (niderländisch).
  7. Simon Andries, Morien Raeymakers: Komt er een einde aan dotatie van Laurent? Premier Michel wil “proportionele sanctie” voor prins. In: Gazet van Antwerpen. 7. August 2017, abgruefen am 11. Februar 2022 (niderländisch).
  8. Sammy Mahdi: Carte blanche sur les émeutes à Bruxelles: Petite racaille, on en a marre de toi. In: Le Soir. 14. November 2017, abgruefen am 11. Februar 2022 (französisch).
  9. Maxime Biermé: Le challenger: Sammy Mahdi, communicant flamboyant. In: Le Soir. 5. Dezember 2019, abgruefen am 11. Februar 2022 (französisch).
  10. Laurent Henrard: Joachim Coens est élu nouveau président du CD&V. RTBF, abgruefen am 11. Februar 2022 (französisch).
  11. 11,0 11,1 11,2 Gouvernement De Croo: qui est Sammy Mahdi, le secrétaire d'Etat à l'Asile et la Migration? In: RTL Info. 1. Oktober 2020, abgruefen am 11. Februar 2022 (französisch).
  12. Lorraine Kihl: Sammy Mahdi au « Soir » : « Sans expulsions, pas de solidarité possible ». In: Le Soir. 16. November 2020, abgruefen am 11. Februar 2022 (französisch).
  13. Catherine Ernens: Sammy Mahdi “Je dois être intransigeant”. In: Moustique. 2. August 2021, abgruefen am 13. Februar 2022 (französisch).
  14. P.V.: Asile et migration : une politique "ferme mais humaine" ? "Il faut surtout garantir que la procédure soit plus rapide", estime Sammy Mahdi. RTBF, 3. November 2020, abgruefen am 13. Februar 2022 (französisch).
  15. Hannes Cattebeke: Asiel en Migratie werkt zo slecht dat staatssecretaris Sammy Mahdi eigen departement laat doorlichten. In: Het Nieuwsblad. 6. Mai 2021, abgruefen am 13. Februar 2022 (niderländisch).
  16. 16,0 16,1 Julia Dumont: Belgique : à Bruxelles, plus de 400 sans-papiers en grève de la faim depuis plus d’un mois pour demander leur régularisation. In: InfoMigrants. 2. Juli 2021, abgruefen am 12. Februar 2022 (französisch).
  17. 17,0 17,1 AFP: Sans-papiers en grève de la faim: le conflit fait tanguer le gouvernement belge. In: L’Express. 19. Juli 2021, abgruefen am 13. Februar 2022 (französisch).
  18. Eva Massy: Belgique. La grève de la faim de 475 sans-papiers provoque des remous au gouvernement. In: Ouest-France. 20. Juli 2021, abgruefen am 15. Februar 2022 (französisch).
  19. Belga: Grève des sans papiers : le secrétaire d’Etat Sammy Mahdi n’entend toujours pas négocier avec les grévistes. RTBF, 18. Juni 2021, abgruefen am 13. Februar 2022 (französisch).
  20. Sammy Mahdi demande aux partis de ne pas susciter de faux espoirs pour les grévistes de la faim. In: La Libre. 12. Juli 2021, abgruefen am 12. Februar 2022 (französisch).
  21. Belga: Grève de la faim des sans-papiers : Sammy Mahdi met en place une zone neutre à proximité de l’église du Béguinage. RTBF, 15. Juli 2021, abgruefen am 12. Februar 2022 (französisch).
  22. La Libre, Belga: Grève de la faim des sans-papiers : Sammy Mahdi désigne un envoyé spécial. In: La Libre. 19. Juli 2021, abgruefen am 12. Februar 2022 (französisch).
  23. Belga: Sammy Mahdi lance une campagne contre les "fake news" sur une régularisation collective. RTBF, 27. Juli 2021, abgruefen am 13. Februar 2022 (französisch).
  24. Lauren Walker: Campaign launched to debunk fake news on change in collective regularisation policy. In: The Brussels Times. 27. Juli 2021, abgruefen am 13. Februar 2022 (änglisch).
  25. Benjamin Delille: Sammy Mahdi, secrétaire d’Etat belge aux migrations : «S’il y a des règles, c’est pour le bien de tout le monde». In: Libération. 8. Juli 2021, abgruefen am 11. Februar 2022 (französisch).
  26. X.L.: Grève de la faim des sans-papiers : un accord se met en place, les grévistes ont décidé de suspendre leur action. RTBF, 21. Juli 2021, abgruefen am 15. Februar 2022 (französisch).
  27. 27,0 27,1 Julia Dumont: Belgique : cinq sans-papiers, ex-grévistes de la faim, attaquent l’État en justice. In: InfoMigrants. 22. Dezember 2021, abgruefen am 12. Februar 2022 (französisch).
  28. Grève de la faim des sans-papiers : Mahdi et les quatre négociateurs entendus à huis clos à la Chambre. BX1, 9. November 2021, abgruefen am 12. Februar 2022 (französisch).
  29. Jean-François Noulet, M-P Jeunehomme, Belga: Le Ciré et la Ligue des droits humains se joignent aux grévistes sans-papiers dans leur plainte contre l’Etat. Le tribunal entendra les plaidoiries le 2 février. RTBF, 22. November 2021, abgruefen am 13. Februar 2022 (französisch).
  30. 140 undocumented migrants occupy Brussels church again. In: The Brussels Time. 1. November 2021, abgruefen am 13. Februar 2022 (änglisch).
  31. Belga: L'Afghanistan et ses migrants inquiètent les pays européens, Sammy Mahdi opposé à un arrêt des retours. RTBF, 10. August 2021, abgruefen am 16. Januar 2022 (französisch).
  32. Robin Lemoine: À contrecourant de ses voisins, la Belgique poursuit les expulsions de migrants afghans. In: Marianne. 12. August 2021, abgruefen am 16. Januar 2022 (französisch).
  33. 33,0 33,1 Cédric Vallet: Au sein de l’UE, l’exil potentiel de milliers d’Afghans réveille le spectre de 2015. In: Le Monde. 9. August 2021, abgruefen am 13. Februar 2022 (französisch).
  34. Tine Danckaers: ‘Misplaatste poging van Sammy Mahdi om Afghaanse vluchtelingen af te schrikken’. In: MO* – Mondiaal Magazine. 13. August 2021, abgruefen am 13. Februar 2022 (niderländisch).
  35. Moustique, Belga: Sous pression, Sammy Mahdi se réfère au CGRA pour trancher sur les expulsions d’Afghans. In: Moustique. 11. August 2021, abgruefen am 13. Februar 2022 (französisch).
  36. Belga: Immigration : le Benelux renforce la coopération concernant la procédure de Dublin et réduit certains délais. In: La Libre. 26. Oktober 2021, abgruefen am 11. Februar 2022 (französisch).
  37. Belgium: EASO to Support Authorities Struggling with Reception Crisis. European Council on Refugees and Exiles (ECRE), 17. Dezember 2021, abgruefen am 13. Februar 2022 (änglisch).
  38. Sant'Egidio en Sammy Mahdi openen corridor voor 250 vluchtelingen. In: Kerknet. 24. Dezember 2021, abgruefen am 13. Februar 2022 (niderländisch).
  39. Didier Swysen: Plus de 5.000 étrangers priés d’oublier la Belgique en 2021. In: La Meuse. Abgruefen am 15. Februar 2022 (französisch).
  40. Belga: Asile et migration: Sammy Mahdi ouvre le premier bureau de retour régional. In: La Libre. 28. Oktober 2021, abgruefen am 11. Februar 2021 (französisch).
  41. Une campagne pour dissuader les Albanais de demander l'asile en Belgique. In: 7sur7. 19. Oktober 2021, abgruefen am 11. Februar 2022 (französisch).
  42. Belga: Podcasts, influenceurs… la Belgique lance une campagne pour dissuader les Albanais de demander l’asile. In: Le Soir. 19. Oktober 2021, abgruefen am 13. Februar 2022 (französisch).
  43. Belga: L'État belge ne parvient pas à faire expulser un prédicateur de haine. RTBF, 28. Januar 2022, abgruefen am 12. Februar 2022 (französisch).
  44. Melanie Joris: L’imam marocain Mohamed Toujgani expulsé : prédicateur radical ou homme de dialogue à l'islam modéré ? RTBF, 13. Januar 2022, abgruefen am 13. Februar 2022 (französisch).
  45. Extremism, hatred of Jews and espionage: why imam’s residency was revoked. In: The Brussels Time. 18. Januar 2022, abgruefen am 12. Februar 2022 (änglisch).
  46. Helen Lyons: Brussels again has no space to shelter asylum seekers. In: The Brussels Time. 22. Dezember 2021, abgruefen am 13. Februar 2022 (änglisch).
  47. Cédric Vallet: En Belgique, l’accueil des demandeurs d’asile arrive à saturation. In: Le Monde. 3. Januar 2022, abgruefen am 13. Februar 2022 (französisch).
  48. Belga: Des organisations attaquent Sammy Mahdi à cause des mineurs étrangers non accompagnés. In: DH Les Sports+. 15. September 2021, abgruefen am 13. Februar 2022 (französisch).
  49. Belga: Plainte contre Sammy Mahdi et Fedasil: les plaidoiries se tiendront le 8 novembre. In: La Libre. 27. September 2021, abgruefen am 13. Februar 2022 (französisch).
  50. Vluchtelingenorganisaties sturen deurwaarder naar Sammy Mahdi. HBVL, 8. Februar 2022, abgruefen am 13. Februar 2022 (niderländisch).
  51. Charlotte Oberti: L'État belge condamné pour sa mauvaise gestion des demandeurs d'asile. In: InfoMigrants. 21. Januar 2022, abgruefen am 15. Februar 2022 (französisch).
  52. Aufnahmepflicht für Transmigranten: Staatssekretär Mahdi fechtet Entscheidung an. In: GrenzEcho. 2. Februar 2022, abgruefen am 11. Februar 2022.
  53. Sammy Mahdi propose un plan d'action pour l'insertion professionnelle des demandeurs d'asile. In: 7sur7. 1. Dezember 2021, abgruefen am 13. Februar 2022 (französisch).
  54. Leslie Carretero: La Belgique présente un plan pour former et recruter des demandeurs d’asile. In: InfoMigrants. 14. Januar 2022, abgruefen am 13. Februar 2022 (französisch).
  55. Staatssecretaris Sammy Mahdi stelt actieplan voor om asielzoekers aan het werk te krijgen. In: Het Laatste Nieuws. 12. Januar 2021, abgruefen am 13. Februar 2022 (niderländisch).
  56. Les grands principes du futur Code de la migration validés en Conseil des ministres. In: La Libre. 4. Februar 2022, abgruefen am 13. Februar 2022 (französisch).
  57. Lischt vun ìm Sammy Mahdi siina Àrtìckel uff De Morgen (nìederlandisch, àbgrüafa-n-àm 11. Hornung 2022).
  58. Ellen Maerevoet: Sammy Mahdi brengt hond Pamuk mee naar "Slimste mens". VRT NWS, 5. Dezember 2017, abgruefen am 11. Februar 2022 (niderländisch).

Füassnoota[ändere | Quälltäxt bearbeite]

  1. Dr Theo Francken ìsch vu 2014 bis 2018 Schtààtssekretäär fìr Àsyl un Wànderung gsìì. Ìhm hàt vu 2018 bis àm 1. Oktoower 2020 d’ Maggie De Block noohgfolgt, wo-n-àwwer dr Àmtstìtel Federààla Minìschtera fìr Àsyl un Wànderung trajt hàt.


Dr Artikel „Sammy Mahdi“ isch einer vo de läsige Artikel.

Churz zämmegfasst, isch de Artikel sproochlig un stilistisch guet gschriibe, bhandlet die wichtigscht Aspekt vum Thema, isch sachlig korrekt un neutral un wenn mögli bebilderet.

Alli sin härzlich yglade wyter aa däm Artikel z schaffe, z erwiitre un z verbessre!