Ruine Diersburg
| Ruine Dierschburg | ||
|---|---|---|
| Alternativnäme: | Tiersperg | |
| Entstehigsziit: | 1100 bis 1200 | |
| Burgetyp: | Hecheburg | |
| Erhaltigszuestand: | Räscht vum Palas un vu dr Ringmuure | |
| Ständischi Stellig: | Adligi, Grofe | |
| Bauwiis: | Buckelquader | |
| Ort: | Hohberg-Dierschburg | |
| Geografischi Lag: | 48° 23′ 1,7″ N, 7° 56′ 57,5″ O | |
| Höchi: | 280 m ü. NN | |
| ||
D Ruine Dierschburg, au Tiersperg gnännt, isch e Burgruine uf eme felsige Higel eppe 1900 Meter sidestlig vum Ortsdeil Dierschburg vu dr Gmei Hohberg im Ortenaukreis z Bade-Wirttebärg.
Gschicht[ändere | Quälltäxt bearbeite]
Die Hecheburg isch vu dr Herre vu Diersburg am Änd vum 12. Johrhundert böue loo wore. S erscht Mol gnännt isch si anne „Stein zu Tiersperc“ vum Walter von Tiersperc un anne 1259 as "Diersberg". Im 13. Johrhundert isch d Burg erwyteret wore un isch im 14. Johrhundert e Ganerbe-Burg gsi, bis si im Dryssgjehrige Chrieg un 1668 vu dr Franzose gschlisse woren isch. 1763 isch d Burg fir d Steigwinnig abbroche wore. In dr Johr 1980 bis 1983 isch d Ruine reschtauriert wore.
D Burg isch speter im Bsitz vu dr Markgrofe vu Bade gsi un ab 1455 im Bsitz vu dr Freiherre vu Roedern.
Aalag[ändere | Quälltäxt bearbeite]
Di ehmolig Burgaalag isch e chleini stark bfeschtigti Aalag gsi mit ere bsudnere Chärnburg, wu zwei Palasgebäude gha het, derfir aber kei Bärgfrid. D Böusubschtanz zeigt deilwyys Buckelquader. D Schildmuur het e Sterki gha vu 3 Meter un d Ringmuure vu 2 Meter. D Aalag isch hite in Privatbsitz.
Literatur[ändere | Quälltäxt bearbeite]
- Kurt Klein: Burgen, Schlösser und Ruinen. Zeugen der Vergangenheit im Ortenaukreis. Reiff Schwarzwaldverlag. Offenburg 1997. ISBN 3-922663-47-8
Weblink[ändere | Quälltäxt bearbeite]
|
Dä Artikel basiert uff ere fräie Übersetzig vu dere Version vum Artikel „Ruine_Diersburg“ vu de dütsche Wikipedia. E Liste vu de Autore un Versione isch do z finde. |