Ruesüsteem

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

S Ruesüsteem vom ene starre Körper isch e Bezuugssüsteem, won dä Kürper din in Rue isch, d. h. wo alli sini Koordinate din konstant bliibe. Wenn dr Koordinatenursprung im Schwerpunkt vom Körper lit, isch es au sis Schwerpunktsüsteem.

Nume für Körper, wo käini Chreft uf sä wirke, isch s Ruesüsteem en Inerzialsüsteem. Im Allgemäine git s aber Drääghäitchreft und dorum isch son e Ruesüsteem e beschlüünigts Bezuugssüsteem.

Zum Bischbil dräit sich s Ruesüsteem vo dr Ärdoberflechi mit dr Ärdrotazion mit, und vo doo chömme Zentrifugal- und Coriolischreft, won e dütlige Iifluss (u. a.) uf d Ozeanströöm und s Klima häi.

Ruesüsteem as Beobachder in dr spezielle Relatiwidäätstheorii[ändere | Quälltäxt bearbeite]

De Ruesüsteem vo Pünkt säit mä in dr spezielle Relatiwidäätstheorii Beobachder. Dr Zit, wie sie für e Beobachder vergoot, säit mä Äigezit. D Beziejige zwüsche Objekt, wo relativ zuenander in Rue si, wärde ummiddelbar brucht, zum d Mässgröössene Distanz und Duur z definiere, und eso middelbar au für Mässgröössene, wo uf ene basiere, wie Gschwindikäit, Beschlüünigung, Winkel, Winkelgschwindikäit, Chrümmig usw.

Information icon.svg Dä Artikel basiert uff ere fräie Übersetzig vum Artikel „Ruhesystem“ vu de dütsche Wikipedia.

E Liste vu de Autore un Versione isch do z finde.