Rudolf I. vu Hachberg-Suseberg

Dialäkt: Undermarkgreflerisch

Dr Rudolf I. vu Hachberg-Suseberg († 1312) isch vu 1306 bis 1312 Markgrof vu Hachberg-Suseberg gsi.

Läbe

Dr Rudolf isch e Suhn vum Markgrof Heinrich II. vu Hachberg un dr Anna vu Üsenberg gsi.

1306 hän dr Heinrich III. un syy Brueder Rudolf I. ihre Erb deilt. Dr Heinrich het d Herrschaft iber Hachberg mit dr Stadt Ämmedinge un em Stammsitz Hochburg iberchuu, dr Rudolf d Landgrofschaft Suseberg mit em neje Stammsitz Suseburg un d Vogtei iber s Chloschter St. Bläsi un d Probschteie dodervu, Bürgle, Sitzechilch un Witenau. Dr Rudolf het derno dodermit Sytelinie Hachberg-Suseberg grindet mit Stammsitz uf dr scho anne 1240 vu dr Markgrofe vu Hachberg böuene Suseburg. Syy Brueder Heinrich III. vu Hachberg het d Hauptlinie wytergfiert mit Sitz uf dr Hochburg bi Ämmedinge.

Anne 1311 isch dr Rudolf dur dr Luithold II. vu Röttele († 1316) as Mitregänt vu dr Herrschaft Röttele yygsetzt wore. Dur die Verbindig isch dr Grundstei gleit wore fir dr Ufstiig vum Huus Hachberg-Suseberg. Wel dr Rudolf no vor em Luithold gstorben isch, isch d Herrschaft Röttele 1315 dur Schänkig uf em Rudolf syy Suhn Heinrich iberdrait wore, wu in däm Johr mindig woren isch.

Eh un Chinder

Anne 1298/1299 het dr Rudolf d Agnes vu Röttele ghyrote, d Erbdochter vum Otto vu Röttele. Si hän vier Chinder gha:

• Heinrich, Markgrof vu Hachberg-Suseberg, † 1318
• Rudolf II., Markgrof vu Hachberg-Suseberg, * 1301, † 1353
• Otto I., Markgrof vu Hachberg-Suseberg, * 1302, † 1382
• Anna vu Hachberg, † 1331, ∞ Friedrich vu Friburg († 1356)

Literatur

• Fritz Schülin: Rötteln-Haagen, Beiträge zur Orts-, Landschafts- und Siedlungsgeschichte, Lörrach 1965; S. 65.
• Detlev Schwennicke: Europaische Stammtafeln, Neue Folge, Band 1.2, Tafel 273. 1999. ISBN 978-3-465-03020-1
• Karl Seith: Die Burg Rötteln im Wandel ihrer Herrengeschlechter, Ein Beitrag zur Geschichte und Baugeschichte der Burg, Sonderdruck herausgegeben vom Röttelbund e. V., Haagen, o.O.; O.J., S. 6; bei Schülin zitiert "In: Markgräflerland, Jg. 3, Heft 1, 1931".

Weblink

• Rika Wettstein: Das Markgräfler Land
• Bürg Rötteln (Schlösser-Magazin)

Vorgänger Heinrich II.

Markgrof vu Hachberg-Suseberg 1306–1312

Nochfolger Heinrich