Heinrich II. vu Bade-Hachberg
| Dialäkt: Undermarkgreflerisch |
.jpg)
Dr Markgrof Heinrich II. vu Bade-Hachberg († ca. 1297/1298) isch vu 1231 bis 1289 regierede Markgrof vu Bade-Hachberg gsi.
Läbe
[ändere | Quälltäxt bearbeite]Dr Heinrich isch dr eltscht Suhn vum Markgrof Heinrich I. vu Bade-Hachberg un dr Agnes vu Habsburg. Anne 1231 isch er unter dr Vormundschaft vu syyre Mueter dr Noofolger vu syym Vater wore un het as erschte dr Titel „Markgrof vu Hachberg“ aagnuu. Är het mit geischtlige Herrschafte un dr Grofe vu Fryybeg Ussenandersetzige gha wäg dr verschachtlete Rächt- un Bsitzverhältnis. Ab het er bim Stryt um d Bsitzige vu dr Staufer un um s Ryychsguet mitgmacht go syyni Territorialherrschaft z feschtige. Är het langi Zyt dr Grof Rudolf vu Habsburg geg d Bischef vu Basel un Stroßburi unterstitzt un isch anne 1273 au eini vu dr Stypere vu däm syym Chenigtum gsi. Är het em unter anderem ghulfe gege d Markgrofe vu Bade un im Chrieg gege Behme in dr Schlacht bi Dürnkrut. Är isch Genner vu dr Chleschter Dännebach un Adelhuuse gsi. Anne 1289 het dr Heinrich abdankt un isch Dytsch-Ordensritter wore.
Eh un Chinder
[ändere | Quälltäxt bearbeite]Dr Heinrich II. isch ghyrote gsi mit dr Anna vu Üsenberg-Kenzingen, ere Dochter vum Grof Rudolf II vu Kenzingen. Us däre Eh sin die Chinder fiirigange:
- Rudolf I., Markgrof vu Hachberg-Suseberg
- Heinrich III.
- Friedrich, † no 1300, Dytschordensritter
- Verena, † no 1322, ∞ Egino I. Grof vu Firschtebärg
- Hermann I., † 12.04.1321, Johannitermeischter
- Kunigunde, † no 1284, Nunne im Chloschter Adelshuuse
- Agnes, † vor em 12.08.1321, ∞ Walter vu Reichenberg
- Elisabeth, † no 1284, Nunne im Chloschter Adelshuuse
Literatur
[ändere | Quälltäxt bearbeite]- Detlev Schwennicke, Europaische Stammtafeln, Neue Folge, Band 1.2, Tafel 273. 1999. ISBN 978-3-465-03020-1
Weblink
[ändere | Quälltäxt bearbeite]| Vorgänger Heinrich I. |
Markgrof vu Bade-Hachberg 1231–1289 |
Nochfolger Heinrich III. |