Wiibeeri

Us der alemannische Wikipedia, der freie Dialäkt-Enzyklopedy
Wiibeeri bim Dröchne

Wiibeeri si dröchneti Drüübelbeeri. D Drüübel wärde gärntet, wenn si rif si und denn in dr Sunne oder im Schatte dröchnet, bis iire Wasseraadäil nume no öbbe 15 bis 18 Brozänt isch. Eso wird dr Fruchtzucker konzentriert uf e Ghalt vo öbbe 33 Brozänt. Si häi e honiggääli bis dunkelbruuni Farb. Us vier bis fümf Kilo Drüübel macht mä e Kilo Wiibeeri.

Es git Wiibeerisorte wo en äigene Naame häi, je noch dr Rääbesorte und dr Häärkumft. D Sultanine wärde us dr Sultana-Druube (Thompson Seedless) gmacht, wo wiss, und seer süess isch und e dünni Hut und käni Chärne het. D Sultanine häi e helli goldgääli Farb. Si wärde vor allem in dr Türkei, Kalifornie, Australie und Südafrika broduziert. Korinthe wärde us dr Räbsorte Korinthiaki („Schwarzi Korinthe“; lat. Vitis vinifera apyrena) gmacht. Si häi au käni Chärne, si schwarzbruun bis schwarzblau, d Beereli si chlii und dr Gschmack isch stark. Si chömme mäistens us Griecheland, Australie, Südafrika und Kalifornie.

Weblingg[ändere | Quälltäxt bearbeite]

 Commons: Wiibeeri – Sammlig vo Multimediadateie
Dä Artikel basiert uff ere fräie Übersetzig vu dere Version vum Artikel „Rosine“ vu de dütsche Wikipedia. E Liste vu de Autore un Versione isch do z finde.