Remiremont

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Disambig.svg Dä Artikel behàndelt d’ frànzeescha Gmain, wo àui Reimersberg gnännt ìsch. Lüag àui: Reimersberg bzw. Reimersbergle.
Remiremont
Wappe vun Remiremont
Remiremont (Frankreich)
Remiremont
Region Grand Est
Département Vosges
Arrondissement Épinal
Kanton Remiremont (Hauptort)
Kommünàlverbànd Porte des Vosges Méridionales
Koordinàte 48° 1′ N, 6° 35′ OKoordinate: 48° 1′ N, 6° 35′ O
Heche 379–762 m
Flech 18,00 km2
Iiwohner 7.691 (1. Jänner 2019)
Bevelkerungsdicht 427 Iiw./km2
Code Postal 88200
INSEE-Code
Website www.remiremont.fr

A Blìck uff Remiremont.
Dialäkt: Mìlhüüserdiitsch

Remiremont ([ʁəmiʁmɔ̃] loosa?/i; ìm lokààla vogeesischa Dialäkt: [rmirmo]; hochdiitsch Romberg, friahjer àui Rümbersberg odd’r saltaner Reimersberg un Rumberg) ìsch a frànzeescha Gmain ìm Vogesa-Département ìn dr Region Grand Est —bis 2015 ìm Lothrìnga. Sa lìegt äbb 400 Meter ìwwer’m Meer, ìm wäschtliga vogesischa Vorlànd un grààd àm Ààfàng vum Mìttelgebìrg. Sa ìsch dr Hàuiptort vu’ma Bàllungsràuim vun äbb 31.000 Iiwoohner, wo noh Épinal un Saint-Dié-des-Vosges dr drittgreeschta vum Département ìsch. Sa ìsch àui noh Épinal s’ zwaitgreeschta Verwàltungszäntrum vum Département. Drzüa ìsch Remiremont dr Hàuiptort (chef-lieu) vum nàmmensgliicha Kàntoon. Ànna 2019 hàt d’ Schtàdt 7.691 Iiwoohner ghàà.

D’ Schtàdt Remiremont nännt maa-n-oft uff Frànzeesch La Belle des Vosges („d’ Scheena vu da Vogesa“), dänn sa hàt a riicha Gschìcht un Àrkitäcktüür, wo vun ìhra ehamààliga Àbtai schtàmmt. Mehrera Joohrhunderta làng ìsch Remiremont a kìrchliga Fìrschtaschtàdt vum Hailiga Reemischa Raich gsìì, unter’m Nàmma Rümersberg.

Geogràfii[ändere | Quälltäxt bearbeite]

D’ Lààg vu Remiremont ìm Vogesa-Département.
A Kàrta vu Remiremont mìt Glandsbschriiwung, üss OpenStreetMap, ànna 2020.

Remiremont lìegt ìm Südoschta vum Département Vosges ìn dr Làndschàft Lothrìnga, a pààr Kilomeeter neerdlig vu dr Granz mìt dr Region Bourgogne-Franche-Comté —bis 2015 mìt dr Fräigràfschàft Burgund. D’ Schtàdt lìegt àn dr Kritzung vum vogeesischa Mìttelgebìrg un vu dr Vôge-Ewana, wo sìch uff baida Sitta vu dr Granz zwìscha Lothrìnga un dr Fräigràfschàft Burgund ärschträckt.[1][2]

Remiremont befìndet sìch grààd vor’m Iifàhrt vum Regionààla Nàtüürpàrk Ballons des Vosges, àwwer ìsch nìt Tail drvu.[3]

Dr Gmaindabooda vu Remiremont ìsch 18.00 km² grooss un lìegt zwìscha 379 un 766 Meter ìwwer’m Meer, mìt’ma Durchschnìttsheecha vu 400 m ìm Schtàdtzäntrum.[4] S’ süüdliga un wäschtliga Schtàdtgebiat ìsch heecher un maischt bewàldert. So ärschträckt sìch dr Gmaindawàld vu Remiremont vu da Barga Parmont, Tête des Ânes un Bambois àm Wäschta bis àm Corroy àm Oschta un àm Sapenois àm Süüda.[5] Ìm neerdliga Tail vum Schtàdtgebiat sìnn vor àllem Gebäijer.

Remiremont lìegt biim Ort, wu dr Fluss Moselotte ìn d’ Mosel iimìndet.[6] D’ Gmain lìegt àlso uff’m Flussgebiat vum vogesischa Mosel, wo Tail vum süüdliga-n-Àbflussgebiat vu dr Mosel ìsch.[7] D’ Mosel bìldet d’ nerdliga Granz vum Gmaindabooda vu Remiremont; uff dr àndra Sitta-n-ìsch d’ Gmain Saint-Étienne-lès-Remiremont. Baida Gmainda sìnn dur d’ Brucka Le Prieur verbunda, wo d’ Mosel ìwwerkwert.[8][9][10][11] Uff’m heecha Gebiat vu Remiremont sìnn d’ Kwalla vum Bàch Ruisseau du Fouchot, wo àn dr Granz zwìscha Remiremont un Saint-Étienne-lès-Remiremont ìn d’ Mosel iimìndet.[12]

D’ Schtàdt Remiremont lìegt àm süüdliga Rànd vum Lothrìngischa Furcha un gheert àlso zem frànzeescha Tail vum Rhiinischa Megalopole.

Grààd neerdlig vu Remiremont fàngt d’ Nàzionààlschtrooss RN 66 àà, wo durs Elsàss uff Bàsel fàhrt. Dara Schtrooss folgt bis uff Mìlhüüsa d’ Öiropàschtrooss 512. Vu Remiremont fàhrt ma 27 km làng bis Épinal, 30 km bis Gerdsee, 61 km bis Dànn ìm Owerelsàss un 32 km bis Luxeuil-les-Bains ìn dr Fräigràfschàft Burgund. Schnüargrààd lìegt Remiremont äbb 100 km südwäschtlig vu dr Regionààlhàuiptschtàdt Schtroossburi.

Dr Bàllungsràuim vu Remiremont zehlt äbb 32.000 Iiwohner un d’ nochberliga Gmain vu Saint-Nabord, Saint-Étienne-lès-Remiremont, Dommartin-lès-Remiremont, Vecoux, Éloyes, Saint-Amé, Girmont-Val-d'Ajol, Bellefontaine, Cleurie, Rupt-sur-Moselle, Le Syndicat un Vagney. d’ drìttgreeschta Bàllungsràuim ìm Vogesa-Département. Z’ Remiremont fìndet maa d’ maischta vu da äffentliga Verwàltung ìm südliga Vogesa; d’ Schtàdt ìsch àlso s’ zwaita Verwàltungszäntrum vum Département.

Saint-Nabord Saint-Nabord
Saint-Étienne-lès-Remiremont
Saint-Étienne-lès-Remiremont
Saint-Nabord Compass card (de).svg Saint-Étienne-lès-Remiremont
Saint-Nabord
Le Val d'Ajol
Le Val-d'Ajol Saint-Étienne-lès-Remiremont
A Kàrta vu dr Flächanutzung z’ Remiremont ànna 2018 (CLC).
A Kàrta vu dr Flächanutzung z’ Remiremont ànna 2018 (CLC).

Noh da Kriteria vum Nàzionàlìnschtitüüt fìr Schtàtistik un Wìrtschàftsplànung (INSEE) ìsch Remiremont a schtädtischa Gmain, dänn sa hàt a mìttlera odd’r hoocha Beväälkerungsdìcht. Sa ìsch d’ Zäntrààlschtàdt vu dr schtädtischa Sìedlungsainhait vu Remiremont, wo d’ Gmainda Dommartin-lès-Remiremont, Éloyes, Saint-Étienne-lès-Remiremont, Saint-Nabord, Vecoux un 21.550 Iiwohner hàt (Schtànd: 2017) iischliasst. Noh dr Dàtabànk Corine Land Cover (CLC) bschteht dr Gmaindabooda vu Remiremont üss 71,1 % Wàld- un Hàlbnàtüürgebiater, 16,6 % verschtädterta Lànd, 5,4 % Màtta, 4,2 % verschìedliga làndwìrtschàftliga Flächa, 2,3 % Ìndüschtrii- un Hàndelszoona un Verkehrsnätzwark, un 0,4 % Grüawa, Schuttàblààdaschtälla un Bàuischtälla.[N 1]

Politik un Verwàltung[ändere | Quälltäxt bearbeite]

Sallamols ìsch Remiremont dr Hàuiptort vum Arrondissement Remiremont gsìì un gheert sitter’m 10. Septamber 1926 zem Arrondissement Épinal. D’ Schtàdt ìsch hìtt dr Hàuiptort vum Kàntoon Remiremont, wo d’ Gmainda Cleurie, Éloyes, Jarménil, Pouxeux, Raon-aux-Bois, Remiremont, Saint-Amé, Saint-Étienne-lès-Remiremont un Saint-Nabord iischliasst —dàs ìsch ìnsgsàmt 25.132 Iiwohner (Schtànd: 2019).

Remiremont ìsch Tail vum Kommünàlverbànd Communauté de communes de la Porte des Vosges Méridionales, wo-n-àm 1. Janner 2017 grìnda worra-n-ìsch. Dr Verbànd zeehlt zehn Gmainda un 29.357 Iiwoohner (Schtànd: 2018).

Wàhla-n-ärgebnissa[ändere | Quälltäxt bearbeite]

Àn dr frànzeescha Presidàntschàftswàhl vu 2017 ìsch z’ Remiremont ìm äärschta Wàhlgàng dr Emmanuel Macron (En Marche!) àm äärschta Plàtz ànakumma, mìt 24,8 Prozant vu da Schtìmma. Àm zwaita Wàhlgàng ìsch’r àui àm äärschta Plàtz gsìì, mìt 67,62 Prozant vu da Schtìmma geega d’ Marine Le Pen (FN), wo 32,38 Prozant vu da Schtìmma bikumma hàt. Àn dr zwaita Runda hann 5,18 Prozant vu da Wahler a laara Schtìmmzättel àbgaa.[13]

Àn dr Presidàntschàftswàhl vu 2022 ìsch z’ Remiremont ìm äärschta Wàhlgàng nochamol dr Emmanuel Macron àm äärschta Plàtz gsìì, mìt 32,1 Prozant vu da Schtìmma. Àm zwaita Wàhlgàng hàt’r 60,78 Prozant vu da Schtìmma bikumma gega d’ Marine Le Pen, wo 39,22 Prozant vu da Schtìmma bikumma hàt. Àm zwaita Wàhlgàng hann 6,17 Prozant vu da Wahler a laara Schtìmmzättel àbgaa.[14]

Lüag àui[ändere | Quälltäxt bearbeite]

Weblìnks[ändere | Quälltäxt bearbeite]

 Commons: Remiremont – Sammlig vo Multimediadateie

Ainzelnohwiisa[ändere | Quälltäxt bearbeite]

  1. Jonathan Chaumont/Avuxon: Les Vosges Moyennes. In: Le Pays de Remiremont... au cœur des Vosges. Archiviert vom Original am 18. März 2022; abgruefen am 18. März 2022 (französisch).
  2. Jonathan Chaumont/Avuxon: La Vôge. Archiviert vom Original am 22. November 2021; abgruefen am 18. März 2022 (französisch): „La commune de Remiremont présente une triple facette très intéressante : Vôge à l'ouest (Rouveroye et Olichamp), vallée au centre (ville de Remiremont) et Vosges Moyennes à l'est et au sud (forêt communale).“
  3. Aux portes du Parc. Regionààla Nàtüürpàrk Ballons des Vosges, archiviert vom Original am 10. Oktober 2021; abgruefen am 18. März 2022 (französisch).
  4. Cartes de France. In: Cartes de France. Archiviert vom Original am 18. März 2022; abgruefen am 18. März 2022 (französisch).
  5. Jonathan Chaumont/Avuxon: Les forêts communales du Pays de Remiremont. Archiviert vom Original am 14. März 2022; abgruefen am 18. März 2022 (französisch).
  6. Jonathan Chaumont/Avuxon: La vallée de la Haute Moselle. Archiviert vom Original am 13. Mai 2021; abgruefen am 18. März 2022 (französisch).
  7. Remiremont. In: Eau 2015 Rhin-Meuse. Comité de Bassin Rhin-Meuse, archiviert vom Original am 23. Oktober 2018; abgruefen am 18. März 2022 (französisch).
  8. Le Pont le Prieur
  9. Le Pont le Prieur, reconstruit en 1873
  10. Le pont le Prieur-La Moselle
  11. Le nouveau pont sur la rivière
  12. Ruisseau du Fouchot. Service d’administration nationale des données et référentiels sur l’eau (Sandre), abgruefen am 18. März 2022 (französisch).
  13. Remiremont (88200) : Résultats de l'élection présidentielle 2017. In: L’Express. Archiviert vom Original am 22. November 2017; abgruefen am 18. März 2022 (französisch).
  14. Résultats de l'élection présidentielle 2022 à Remiremont (88200). France Info, abgruefen am 5. Mai 2022 (französisch).

Füassnoota[ändere | Quälltäxt bearbeite]

  1. Uff dr Websitta Remonter le temps vum frànzeescha IGN kààsch d’ Äntwìcklung vu dr Flächanutzung lüaga vu 1950 bis hìtt. Doo sìnn àui äältra Kàrta, wia d’ Kàrta vum Cassini (18. Joohrhundert) un d’ Kàrta vum frànzeescha Generààlschtààb (1820–1866).