S Riich vo Soissons

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

S Riich vo Soissons isch e Riich im Norde vom hütige Frankriich um Soissons ume gsi. Es het im 5. Joorhundert as unabhängigs Köönigriich bestande und im säggste Joorhundert zwäimol e Zitli as Däilriich vom Frankeriich.

S römische Köönigriich[ändere | Quälltäxt bearbeite]

S Riich vom Syagrius, 486

Dr Aafang vom Köönigriich vo Soissons isch vom Kaiser Majorian (457–461) gmacht worde, won er dr Aegidius zum magister militum vom römische Gallie ernennt het. Wo dr Majorian im Joor 461 vom Ricimer umbrocht worde isch, het dr Aegidius si Heerschaft über e groosse Däil vom Norde vo dr Browinz chönne festige und us em isch s Köönigriich vo Soissons worde. Er isch mit de salische Franke verbündet gsi und het sis Riich gege d Wisigote im Süde verdäidigt. Dr Aegidius isch im Joor 464 oder 465 gstorbe.

Si Soon Syagrius isch si Noochfolger worde. Är sälber het sich nid as Köönig sondern as dux bezäichnet, sini Noochbere häi em aber Köönig vo de Römer gsäit. Noch em Dood vom Frankeköönig Childerich (öbbe 481), wo mit em Riich vo Soissons verbündet gsi isch, het sich dr Chlodwig I. gege sini ehemoolige Verbündete gwändet. Im Joor 486 het dr Syagrius d Schlacht vo Soissons gegen e Frankeköönig verloore und sis Riich isch Däil vom Frankeriich worde. Dr Syagrius isch zu de Wisigote gflüchdet, die häi en aber im Chlodwig usgliiferet und dä het en 486/7 lo umbringe.

Die fränkische Deilriich[ändere | Quälltäxt bearbeite]

D Deilig vom Frankeriich 511
D Deilig vom Frankeriich 561

Die fränkische Deilriich vo Soissons si entstande, wo 511 noch em Dod vom König Chlodwig I. und 561 noch em Dod vom Chlothar I. s fränkische Königriich under de Königssöhn ufdeilt worden isch. Bi dr zweite Deilig isch s Riich vo Soissons an Chilperich I. gfalle. Es isch denn vo alle Deilriich bi wiitem s chliinste gsi. Dr Chilperich het das as unrächt empfunde und brobiert, mit alle Mittel si Adeil am königliche Erb z vergrössere. Dä Bruederstriit isch bis 613 gange, wo alli Merowinger Erbe usser em Chlothar II. dod gsi si. Die andere drei Riich bi dene zwei Deilige si s Riich vo Paris, s Riich vo Metz und s Riich vo Orléans gsi.

Herscher vo Soissons[ändere | Quälltäxt bearbeite]

Vom de facto unabhängige Köönigriich[ändere | Quälltäxt bearbeite]

  • Aegidius (461-464)
  • Syagrius (464-486)

Vom fränkische Däilriich[ändere | Quälltäxt bearbeite]