Punt Ota

Us der alemannische Wikipedia, der freie Dialäkt-Enzyklopedy
Punt Ota

D Punt Ota ([ˌpʊntˈotɐ]/?) isch en alti Strossebrugg im Engadiin im Bündnerland.

Der Name Punt Ota isch rätoromanisch und bedütet Höchi Brugg.

D Brugg goot über de Bach Ova de Punt Ota, wo in Fluss Inn mündet. Si lyt bi de Engadiiner Gmäinde S-chanf und Zernez und het als markante Ort e geografischi Bedütig, wil si als Gränzpunkt gnoo wird zum s Oberengadiin vom Underengadiin z trenne.

En Brugg hets det sid em Middelalter ggä. Di nöi Brugg isch ane 2008 wi die eltere a däre Stell us Holz bout worde und darf hüt nur no vo langsame Vercheersmiddel, vo Puure und vo Fahrzüg vom Forschtdienst pruucht wärde.

Weblink[ändere | Quälltäxt bearbeite]

 Commons: Punt Ota (Cinuos-chel-Brail) – Sammlig vo Multimediadateie

Koordinate: 46° 39′ 1,3″ N, 10° 1′ 41,1″ O; CH1903: 798192 / 169840