Pontianus

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
dr Pontianus (Spinello Aretino, 1383/4)

Dr Pontianus oder Pontian (lat.: dr Bruggemann; † 235) isch vu 230 bis 235 Bischof vu Rom gsii.

In dr Zyt vu sym Pontifikat isch s Schisma vum Hippolytus an s Änd chuu. Dr Pontianus un anderi Chilchefierer, dodrunter au dr Gegebischof Hippolytus, sin vum Chaiser Maximinus Thrax uf Sardinien in s Exil gschickt un dert in e Bärgwärch yygspeert wore.

Wäg däre Strof isch dr Pontian am 28. Septämber 235 zruggdrätte. S Datum vu sym Ruggdritt isch s friescht exakt noowysbar Datum vu dr Papschtgschicht. No im nämlige Johr isch dr Pontianus an dr Folge vu dr Behandlig in dr Mine vu Sardinie gstorbe. Syni Iberräscht sin vum Bischof Fabianus uf Rom iberfiert un in dr Calixtus-Katakombe begrabe wore. Dr Pontianus wird as erschte Märtyrerpapscht un as Hailige verehrt.

Sy Gedänkdag isch dr 13. Augschte, s Datum vu syre Bysetzig in dr Calixtus-Katakombe.

Literatur[ändere | Quälltäxt bearbeite]

Karl Friedrich Ulrichs: PONTIANUS. In: Biographisch-Bibliographisches Kirchenlexikon (BBKL). Band 7, Herzberg 1994, ISBN 3-88309-048-4, Sp. 829–830. Johann Peter Kirsch: Pope St. Pontian. In: Catholic Encyclopedia, Band 12, Robert Appleton Company, New York 1911 (änglisch)

Weblink[ändere | Quälltäxt bearbeite]

 Commons: Pontianus – Sammlig vo Multimediadateie
Information icon.svg Dä Artikel basiert uff ere fräie Übersetzig vu dere Version vum Artikel „Pontianus“ vu de dütsche Wikipedia.

E Liste vu de Autore un Versione isch do z finde.