Brugg bi Niouc
Koordinate: 46° 15′ 49″ N, 7° 33′ 21″ O; CH1903: 609031 / 123580
| Pont de Niouc | ||
|---|---|---|
.jpg) | ||
| Brucht as | Fuessgänger, Wasserleitig | |
| Goot über | La Navisence | |
| Ort | Chalais, Anniviers | |
| Konstrukzioon | Hängebrugg | |
| Gsamtlengi | 200 m oder 220 m | |
| Bräiti | 0,5 m | |
| Hööchi | 190 m | |
| Fertig worde | 1922 | |
| Lage | ||
| ||
D Brugg bi Niouc (französisch: Pont de Niouc oder Pont de l'Araignée (dütsch Spinnebrugg)) überquärt de Fluss Navisence zwüsched em Wailer Niouc (Saint-Luc VS) und em Dorf Vercorin im Wallis, Schwiz.
D Pont de Niouc isch e Hängebrugg und bestoot us ere Wasserlaitig und eme Tail, wo för Fuessgänger begehbar isch. D Höchi betrait 190 m, d Spannwyti 200 m[1] oder 220 m[2]. Si isch in ere felsige Schlucht uf öppe 880 bis 900 m ü. M. D Niouc-Brugg isch zwüsched 1922 und 1929 di högsti Brugg vo de Wält gsi und gilt no bis im Sommer 2016, wänn dänn di 200 m höchi (jetzt no i de Bauphase) Taminabrugg eröffnet werd, as högsti Brugg vo de Schwiz.[3]
Geschicht
[ändere | Quälltäxt bearbeite]D Brugg bi Niouc isch 1922 baut worde zum d Wasserversorgig vo de Ortschaft Briey (Gmainde Chalais VS) z sichere. Si hät Johre lang au as Brugg för d Fuessgänger dienet, wo uf di ander Talsite händ wele glange. Im Johr 1996 isch d Brugg renowiert und verbesseret worde. Voreddane isch d Brugg öber Johre för d Öffentlichkait gschpeert gsi, wil d Holzbrätter vom Bruggebode morsch und d Metalltaili roschtig worde sind.[4]
Varia
[ändere | Quälltäxt bearbeite]I de Summermönet werd uf de Niouc-Brugg Banschispringe aabote. D Brugg werd wäge ehrere Struktur, em Netz us Metallkabel. au as «Pont de l'Araignée» (Spinnebrugg) bezaichnet. An ere Felswand näbed de Brugg isch vom Künstler Berthod e riisigi Spinne gmolet worde.[5]
Weblink
[ändere | Quälltäxt bearbeite]
Commons: Pont suspendu de Niouc – Sammlig vo MultimediadateieFuessnoote
[ändere | Quälltäxt bearbeite]- ↑ Histoire du Pont de l'Araignée Archivlink (Memento vom 28. Novämber 2014 im Internet Archive) uf www.bungyniouc.com, abgruefe am 23. Novämber 2014 (französisch)
- ↑ Geschichte der Spinnenbrücke Archivlink (Memento vom 7. Oktober 2013 im Internet Archive) uf www.bungy.ch, abgruefe am 23. Novämber 2014 (dütsch)
- ↑ Das kleine, feine Brückenland Norbert Raabe, Schwizer Radio und Färnsee, Artikel vom 20. März 2013 (inkl. Bild vo de Hängebrugg)
- ↑ Histoire du Pont de l'Araignée Archivlink (Memento vom 28. Novämber 2014 im Internet Archive) uf www.bungyniouc.com, abgruefe am 23. Novämber 2014
- ↑ Geschichte der Spinnenbrücke Archivlink (Memento vom 7. Oktober 2013 im Internet Archive) uf www.bungy.ch, abgruefe am 23. Novämber 2014