Philipp Rellstab

Dä Philipp Rellstab (* 28. Januar 1984 z Züri) isch en schwiizerisch-dänische Jazzmusiker (mitunter Trumpetä, Flügelhorn und Posuune), Bandschef, Komponischt und Arrangeur.

Musikalischä Werdegang

Dä Sohn vonere Dänin sich idä Nächi vom schwiizerische Züri ufgwachse. Scho früeh isch er dur d Schallplatte vu sim Grossvater mit äme breite Spektrum vo Jazz i Berüehrig cho.

Scho als Chind isch dä Rellstab dur sis musikalischä Talänt uufgfale und hed scho i däre Ziit i Schuolorcheschter und Jugendbands mitgschpiilt. Zerscht hed er sich bim Alois Kurmann uf de Posuune und dänn uf de Tuba usbilde lah. Scho zu däre Ziit het er sini Liebi zu dä Trumpetä entdeckt und het si, zerschtmal autodidaktisch, usgläbt. D Usbildig uf dä Trumpetä het er denn bim Jazzmusiker und Dirigänt, em Erwin Füchslin, gnosse. I vilne Meischterkürs, mitunter bim Simon Styles, bim Sam Pilafian und bim Roger Bobo het de Philipp Rellstab sis Schpiil uf de Tuba chöne verfiinere und sich als Jazztubischt en Name i dä lokale Szene gschaffe. Nach de Usbildig uf de Trumpetä und im Lauf vo dä letschte Jahr het die und s Flügelhorn Tuba langsam abglöst.

Zwüsched 1995 und 2008 isch dä Rellstab Mitgliid i diverse Orcheschter, mitunter bi dä Grenadiermusik Züri, sowie bi dä «Wood and Metal Connection» z Einsidlä gsii. I däre Ziit het er Märsch, A Cappella-Programm und unzähligi Bearbeitige vo bestehende Melodie für Blasorcheschter verfasst. Sit Mitti vo dä 2000er Jahr isch dä Bereich Komposition und Arrangement im Bereich Jazz und symphonische Blasmusik immer wichtiger worde.

Ab 2010 het sich dä Rellstab nachem Old Time Jazz und em Swing vermehrt em Smooth Jazz, wo au als Easy Listening bekannt isch, zuegwändet und isch uf di ziitgenössisch Strömig vom Jazz troffe. I däm Zämehang het er sich au meh uf s Flügelhorn und uf d Ventilposuune konzentriert. Er tritt hüüfig als Gaschtmusiker und Solischt i nationale und internationale Jazzorcheschter uf und het bereits mit Grössene wie em Dusko Goykovich zäme gschpilt.

Familie

Dä Rellstab het im 2011 d Gschtalteri und Fotografin, d Natasha Milojevic, ghürate.

Diskographischi Hiiwis

Albe

Wood and Metal Connection Wood and Metal (2001)
Dixie Kids Dixie Kids 2010 (2010)
New Riverside Reunion Jazzband We Are Back! (2010)
Tangerine Mainstation (2013)
Swingin’ Birds Live (2013)
Philipp Rellstab Wintertale (2014)
Philipp Rellstab Nordic Sun (2014)
Uros Perich & Philipp Rellstab Northsouth (2015)
Ladwig's Dixieland Kapelle deepWind (2015)
Feel4Jazz JazzCube (2017)
Ladwig's Dixieland Kapelle deepGroove (2017)
Ladwig's Dixieland Kapelle Retro Jazz (2019)
Louisiana Hot Seven Snake Hips (2019)
Philipp Rellstab / Marc Herrmann Chambre Vert (2020)
Ladwigs Hot Jazz Orchestra All I Do Is Dream Of You (2021)
Ladwig‘s Dixieland Kapelle RED - The Music of Red Nichols (2022)
Ladwigs Hot Jazz Orchestra Sizzling Up The 20s (2024)

Singles

Philipp Rellstab Memories Of Jumbo (2013)

Literatur

Bruno Spoerri: Biografisches Lexikon des Schweizer Jazz. CD-Beilage zu: Bruno Spoerri (Hrsg.): Jazz in der Schweiz. Geschichte und Geschichten. Chronos-Verlag, Zürich 2005, ISBN 3-0340-0739-6

Weblink