Dr Pfäffigerhoof
Koordinate: 47° 33′ 2,5″ N, 7° 36′ 16,4″ O; CH1903: 612490 / 266677
| Dialäkt: Baseldütsch |
.jpg)
Dr Pfäffigerhoof isch e Willa an dr Sevogelstrooss 21 und stoot grad am Sevogelblatz, wo uf alle Site vo Geböid us dere Zit umgää isch. S Huus isch äins vo de Baasler Kulturgüeter, wo für d Region vo Bedütig si.
D Willa isch 1903 vom Archidekt Fritz Stehlin baut worde. Si isch zwäi Stöck hooch und het e Mansardedach. Über em Risalit in dr Middi het s e runde Giibel, wo riich verziert isch. Mäistens markiert son e Vorsprung in dr Fassaade dr Hauptiigang, bim Pfäffigerhoof isch si Rolle aber strikt representativ.[1]