Pfäffenga (Albschdadd)
| Pfäffenga Stadt Albstadt
| |
|---|---|
 | |
| Höhe: | 743 m |
| Flechi: | 13,43 km² |
| Iiwooner: | 1984 (31. Dez. 2020) |
| Iigmäindig: | 1. Januar 1975 |
| Postleitzahl: | 72459 |
| Vorwahl: | 07432 |
 Panorama vo Pfeffinga | |
| Dialäkt: Südwestschwäbisch |
Pfäffenga ['bfɛfeŋã] isch an Schdadddåal vo Albschdadd emm Zollraalbgråas, Bada-Wirddaberg. Är leid uff dor Schwäbischa Alb midd-ra offiziälla Haeche vo 763 m, emm obora Eychdal, ogfär uffm halba Wäag zwischa Schduagord ond em Bodasee. Emm Oschda grenzd dor Schdadddåal Dåalfenga ã, emm Siida leid Margrethausa und emm Weschda Burgfälda. Pfäffenga hådd ann de 2100 Aewohner. Sae Gmarkongsfleche isch 13,43 qkm graos.
Uff dor Pfäffengor Gmarkong leid uff 833 m Haeche d Quäll vo dor Eyach (ofd ao "D´Eya" ghåasa). Dui laofd ibor Balenga ond Haigrloch emm Näggr zua.
Verkehr
[ändere | Quälltäxt bearbeite]Durch Pfäffenga dure gåd vo Oschda nåch Wäschda d Landesschdråß 442. Nåch Siida isch-s faef Kilomedor zorr B463 (Balenga-Ebenga), ond nåch Nordwäschda, ibor dor "Schdich", 12 Kilomedor zorr B27 (Diibenga-Rottweil). Durch Omnibus isch-s ann dor Schdaddvorkehr vo Albschdadd ãgschlossa.
Gschiichd
[ändere | Quälltäxt bearbeite]Am 3. Novembr 1403 isch Pfäffenga ann Wirddabärg komma ond hådd schao dåmåls zomm Amd Balenga (haed d Graesschdadd) ghaerd. Dr Härzog Ulrich vo Wirrdabärg hådd anna 1534 enn saem Härzogtum d Reformazio aegfiird, ond so isch ao Pfäffenga evangelisch wårda. A baar Jår vårhär, emm Bauragriag, hend Päffengor ond Dirrwangenor Baura middgfochda ond hend zeidweis sogar d Schdadd Balenga kontrollird.
Haed isch Pfäffenga an Flägga mit viile scheene Wohnheisr. D maeschde Bewohnor dend auspendla, haobdsächlich nåch Balenga ond nach Ebenga ond andre Albschdeddor Schdadddåal.
Religiona
[ändere | Quälltäxt bearbeite]- Evangelischa Kirchagmeinde
- Evangelisch-methodistischa Kirchagmeinde
- Neuapostolischa Kirchagemeinde
Aegmeindonga
[ändere | Quälltäxt bearbeite]Am 1. Juli 1971 isch Burgfälda noch Pfäffinga aegemeinded wårda, am 1. Januar 1975 isch Pfeffingen (zsema midd saem Ordsdåel Burgfälda) em Rãma vo dr Gmeindereform Dåel vo dor nui bildeda Graoßa Kreisstadt Albschdadd wårda.
Aewohnerentwicklong
[ändere | Quälltäxt bearbeite]
|
Ortsvorschdeher
[ändere | Quälltäxt bearbeite]- 1975-1999: Gerhard Hils
- 1999-2009: Maria Elisabeth Keppler
- seit 2009: Roland Merz
Partnerschdedd
[ändere | Quälltäxt bearbeite]- Hendschiken (Schweiz): Gemeindpartnerschaft
S Wabba
[ändere | Quälltäxt bearbeite]D Blasonierung vom Wabba vo Pfäffenga zåagd onder-ma goldena Schildhaobd quer a schwarza Hirschschdang midd-ra räechdsgriichdeda Wurzl, enn Schwarz zwua schräggreizde goldene Schbendla.
D Farba und d Hirschschdang verweised uff d Zuagheerichkaed vo Pfäffenga zomm Haus Wirddabärg. D Spendla schdaded firr d lokala Textilenduschtrie. S` Waabba isch d Gmaende am 27. November 1949 verlija wårda.
Kultur
[ändere | Quälltäxt bearbeite]- Wagnerhausmuseum
Verae
[ändere | Quälltäxt bearbeite]- FC 1919 Pfeffingen
- Turnerbond Pfeffingen
- Wintersportverei Pfeffingen
- Männergsangverae
- Musikkapell Pfeffingen
Bauwerk
[ändere | Quälltäxt bearbeite]
- D alda Kirch St. Nikolaus. D Nikolauskapelle isch scho seid emm 14. Jårhondert bekannd. Se isch zaerschd a Filial vo Burgfelda gsae. Nåch dr Reformazio isch se dr Sitz vo dr Pfarrei wårda, ond Burgfälda d Filial. Weidre Flägga vo dr Pfarrei Pfäffinga send Zillhausa ond Schtreicha gsei. D alda Kirch isch 1897/98 durch an Nuibau ersetzt wårda.
- S Kirchle Pauluskirche. D Methodista hend am aerschde Måa 1955 om 14 Uhr dor Grondstoa gleegd ond d Baustell emm gleicha Jår no ferdig gmached. Am aerschde Auguschd 2023 hend se s´Kirchle an d`Schönhalde vo Pfäffinga verkaoft, må derd a Tierbschdddungskirch draus macha welled.
Enn Pfeffinga siid-mor an Haufa vo zemmlich guad erhalta bliibene Fachwerkbauda, dia weid må mae wie blos hondord Jår uff-m Buggl hand.
- Vogtshaus
- Alda Miile (Richdong Margrethausa)
- S (heidiche) Feuerwehrmagazin
- Bleiweißmiile: 1836 hådd sich emm Flägga a Bleiweißmühle āgsiidled. Då draus isch abr koa Induschdri em graoßa Schdil endschdanda.
- S Wagnerhaus
Nadurdenkmäler
[ändere | Quälltäxt bearbeite]
- D Quäll vo dr Eya (dt. Eyach), må am Ortsrand vo Pfäffenga åfangd.
Ehrabürger
[ändere | Quälltäxt bearbeite]- Pfarrer Hauber
- Friedrich Wißmann, isch Rektor vo dr Pfäffinger Schual gsei
- Baltes von Gurkthal
Einzelnachweise
[ändere | Quälltäxt bearbeite]
