Petra Olschowski
| Dialäkt: Undermarkgreflerisch |
D Petra Olschowski (mänkmol au Petra von Olschowski[1]); * 29. Juni 1965 Stuegert) isch e dytschi Chunschthischtorikeri un Bolitikeri (Bindnis 90/Di Griene). Syt Septämber 2022 isch si Minischteri fir Wisseschaft, Forschig un Chunscht vum Land Bade-Wirttebärg. Vorhär isch si vu Mai 2016 bis Septämber 2022 Staatssekreteri vu däm Minischterium gsii. Syt 2021 isch si Abgorneti im Landdag vu Bade-Wirttebärg. Vu Septämber 2010 bis Mai 2016 het si as Räkteri di Staatlige Akademy vu dr Bildende Chinscht Stuegert glaitet. Vu 2013 bis 2016 isch si au Vorsitzeri vum Wirttebärgische Chunschtverain gsii.
Lääbe
[ändere | Quälltäxt bearbeite]Uusbildig un Beruef
[ändere | Quälltäxt bearbeite]D Olschowski het am Eberhard-Ludwigs-Gimnasium z Stuegert s Abitur gmacht. Noch ere Lehr zue Ainzelhandelschauffrau im Chunschthuu Schaller z Stuegert, het si Chunschtgschicht un Germanischtik an dr Uniwersitet Stuegert studiert, iri Magischterarbet het si iber di großformatige Holzschnitt im Wärch vun HAP Grieshaber gschribe. Si het zerschrt as Redakteri bi dr Stuegerter Zytig gschafft, voreb si im Juli 2002 d Gschäftsfierig vu dr Chunschtstiftig Bade-Wirttebärgibernuue het. Si het e Hufe Uusstellige kuratiert un het vor allem zue dr Theme zytgnessischi Chunscht un Danz publiziert. Vum 1. Septämber 2010 bis 11. Mai 2016 isch si Räkteri vu dr Staatlige Akademy vu dr Bildende Chinscht Stuegert gsii. Si isch syt dr Grindig vu dr Hochschuel (bzw. ire Vorgängerinschtituzion) anne 1761 di erscht Frau in däre Posizion gsii. Am 7. Novämber 2013 isch si zur Vorsitzeri vum Wirttebärgische Chunschtverain gwehlt wore.
Bolitik
[ändere | Quälltäxt bearbeite]D Olschowski isch am 12. Mai 2016 zur Staatssekreteri im Minischterium fir Wisseschaft, Forschig un Chunscht vum Land Bade-Wirttebärg ernännt wore, dodmol isch si no barteilos gsii.[2] Speter isch si dr Bartei Bindnis 90/Di Griene bydrätte. Bi dr Landdagswahl z Bade-Wirttebärg 2021 isch si im Wahlkrais Stuegert IV aadrätte un het mit 35,6 % vu dr Stimme s Diräktmandat gwunne. Bi dr Regierigsbildig het si ire Staatssekreterposchte bhalte. Am 28. Septämber 2022 isch si Noofolgeri vu ire Barteikollegi Theresia Bauer as Minischteri fir Wisseschaft, Forschig un Chunscht vum Land Bade-Wirttebärg wore.[3]
D Olschowski isch friejer vylmol as Petra von Olschowski ufdrätte, iri Familie het mit em eschtrychsiche Adelsufhebigsgsetz vu 1919 ire Titel verlore ghaa. Wu si zur Staatssekreteri ernännt woren isch, het siu aagchindxet, ass si chimftig uf dodruf versichte duet.[4][1]
Uusgläseni Ehrenämter (bis Mai 2016)
[ändere | Quälltäxt bearbeite]- Vorsitzeri vum Wirttebärgische Chunschtverain Stuegert
- Mitglid vum Kuratorium vu dr Chinschtlersozialkasse vum Bund
- Mitglid vum Kuratorium vu dr Triennale Kleinplastik z Fellbach
- Mitglid vum Landesdänkmolrot Bade-Wirttebärg
- Mitglid vu dr Kummission Chunscht am Böu Bade-Wirttebärg
- regelmäßig Mitglid vu Hyfe Jury
Weblink
[ändere | Quälltäxt bearbeite]- d Websyte vu dr Petra Olschowski
- e Biografy uf dr Websyte vum Minischterium fir Wisseschaft, Forschig un Kultur Bade-Wirttebärg
Fueßnote
[ändere | Quälltäxt bearbeite]- ↑ 1,0 1,1 Andreas Müller: Der Adelstitel gilt nun als „Pseudonym“. Stuttgarter Zeitung, 6. Juli 2016, abgruefen am 6. Juli 2016.
- ↑ Tim Schleider: "Rektorin der Kunstakademie wechselt zur Politik", Stuttgarter Zeitung, 10. Mai 2016
- ↑ Petra Olschowski soll Nachfolge von Theresia Bauer übernehmen. In: mwk.baden-wuerttemberg.de. 13. September 2022, abgruefen am 13. September 2022.
- ↑ Renate Allgöwer: Petra Olschowski: Titel gewonnen, Adelsprädikat abgelegt. Stuttgarter Zeitung, 21. Mai 2016, abgruefen am 28. Juli 2016.
|
Dä Artikel basiert uff ere fräie Übersetzig vu dere Version vum Artikel „Petra_Olschowski“ vu de dütsche Wikipedia. E Liste vu de Autore un Versione isch do z finde. |