Petra Häffner
| Dialäkt: Undermarkgreflerisch |
D Petra Häffner (* 2. Mai 1964 z Schorndorf) isch e dytschi Bolitikeri (Bindnis 90/Di Griene). Syter anne 2011 isch si Abgordneti im Landdag vu Bade-Wirttebärg.
Uusbildig un Beruef[ändere | Quälltäxt bearbeite]
D Petra Häffner isch z Schorndorf ass dritts vu vier Chinder ufgwachse. Bis anne 1984 het si ne Uusbildig as Sport- un Gymnaschtiklehreri gmacht. Derno het si bis 1992 as Sportlehreri im Christopherusheim z Welze gschafft, eme anthroposophische Internat fir mehfachbehinderti Mänsche. Vu 1992 bis 1994 het si no ne Uusbildig zur Physiotherapeutin an dr Schuel fir Chrankegymnaschtik z Naistadt gmacht, wu si mit em Staatsexamen abgschlosse het. Vu 1994 bis 1998 het si as Physiotherapeutin am Chrankehuus Bethel z Welze gschafft un vu 1998 bis 2001 as freii Mitarbaiterin in ere Physiotherapypraxis. Noch ere Uusbildig zur Hailpraktikeri schafft syt 2001 in ere aigene Privatpraxis mit dr Schwärpinkt Oschteopaty un Homeopaty.
Bolitischi Laufbahn[ändere | Quälltäxt bearbeite]
Syter anne 2009 isch d Häffner Mitglid vu dr Griene.
Vu 2004 bis 2014 isch d Petra Häffner Mitglid im Gmaindsrot vu dr Stadt Schorndorf gsii un dert au Mitglid im Verwaltig-Sozial-Uusschuss. Bi dr Landdagswahl z Bade-Wirttebärg 2011 isch si iber e Zwaitmandat im Landdagswahlkrais Schorndorf in dr Landdag vu Bade-Wirttebärg gwehlt wore. Dert isch si Mitglid im Innen- un Wisseschaftsuusschuss un Sprächeri vu ihre Fraktion fir Entwicklingsbolitik un Sport. Bi dr Kommunalwahle 2014 isch si in dr Kraisdag vum Rems-Murr-Krais gwehlt wore, si isch dert Mitglid im Verwaltigs-, Schuel- un Kulturuusschuss.
Sunschtigs Engaschmänt[ändere | Quälltäxt bearbeite]
- Mitglid vum Ufsichtsrot vu dr Stadtwerke Schorndorf GmbH
- stellverdrättendi Ufsichtsreti in dr Rems-Murr-Klinike un in dr Gsundhaitsverwaltig
- Mitglid im Bund für Umwelt und Naturschutz Deutschland (BUND)
- Stellverdrättendi Bresidänti vum „Politik mit Frauen e. V.“ im Rems-Murr-Krais
- Mitglid im Stiftigsrot vu dr Stiftung Entwicklungszusammenarbeit
- Mitglid im DLRG-Landesverband Württemberg e. V.
Persenligs[ändere | Quälltäxt bearbeite]
D Petra Häffner läbt z Schorndorf. Si isch verwitwet un het zwai Chinder.
Weblink[ändere | Quälltäxt bearbeite]
Commons: Category: – Album mit Multimediadateie