Paul Nunnenmacher
Dr Paul Nunnenmacher (* 28. Juni 1929 z Sulzburg; † 25. Septämber 2011 z Fryybeg) isch e dytsche Lehrer, Regierigsschueldirektor un Mundartautor gsii.
Läbe un Beruef
[ändere | Quälltäxt bearbeite]Dr Paul Nunnenmacher as Suhn vu dr Buurslyt Martin un Maria Nunnenmacher z Staufe uf d Wält chuu, är het drei Brieder ghaa. No dr Schuel z Staufe het er studiert am Lehrerseminar z Meersburg un an dr pädagogischen Akademi z Löörech. Anne 1950 het dr Nunnenmacher syyni erscht Lehrerstell z Chilchhofe aadrätte, derno isch er uf Ehrestette. Im Johr 1954 het er sich wäge gsundhailtige Brobläm vu syre Frau as Schuellaiter uf Menzeschwand im Schwarzwald versetze loo un isch mit dertemol 25 Johr dr jingscht Schuellaiter z Bade-Wirttebärg gsii.
Anne 1972 isch dr Nunnenmacher wider uf Staufe zruckzoge un het d Rektorestell an dr Grund- un Hauptschuel Ebringe aadrätte. Im Johr 1980 isch er as Schuelrot an s Staatlig Schuelamt Fryburg gange un zwai Johr speter an s Oberschuelamt, 1986 isch er schließli Regierigsschueldirektor wore. Anne 1991 isch dr Nunnenmacher in Pension gange.
Dr Paul Nunnenmacher isch Vorstandsmitglid vum Arbeitskreis Staufener Stadtbild gsii un vu 1980 bis 1994 fir di Freie Wehler Stadtrot im Staufemer Gmairot.
Anne 1952 het er syy Jugedfreindin un Schuelkamradin Inge Jehle ghyrote. Mirt ihre het er drei Chinder ghaa.
Am 25. Septämber 2011 isch dr Paul Nunnemacher im Alter vu 82 Johr gstorbe.
Bruchtum un Mundart
[ändere | Quälltäxt bearbeite]In dr Region isch dr Paul Nunnenmacher bekannt wore dur syy Engagement fir s draditionäll Bruchtum un fir dr alemannisch Dialäkt. Är het vier Biecher mit Dialäktgedicht vereffetligt, e Huffe Mundartherspil un –theaterstuck verfasst (rund 20 fir Laiebihne un 20 fir Schuele) un langi Johr e Mundartsändig bim Sidweschtrundfunk moderiert.
Fir di Badisch Zytig un au andri regionali Zytige het er regelmäßig Byydreg gschribe us dr Gegnig um Staufe.
Dr Nunnemacher isch langi Zyt Chorlaiter gsii, zerscht vum Gsangverain Menzeschwand, speter vum Bolizeigsangverain vum Krais Neustadt, vum Liederchranz St. Bläsi un ab 1973 vum Gsangverain Pfaffewyler. Z Menzeschwand het dr Nunnenmacher au ne Drachtegruppe grindet un glaitet.
Uuszaichnige
[ändere | Quälltäxt bearbeite]- 1979: Pryys bim Wettbewärb für Mundart-Theaterstugg vum Alemannische Gsprächskreis
- 1985 Ehrenodle vum "Bund Heimat und Volksleben"
- 1993: Johann-Peter-Hebel-Gedenkplakette.
- 1995: Bundesverdienstkreuz am Bande.
- 2008: Ehremitglid vu dr Freie Wähler Staufe
- 2009: Ehremedallie vu dr Stadt Staufe
- Ehremitglid vum "Bund Heimat und Volksleben"
- Ehredirgänt vum Gsangverain Menzeschwand un vum Gsangverain Pfaffewyler
Schrifte
[ändere | Quälltäxt bearbeite]- Us de Schuel gschwätzt. Kehrer-Verlag, Freiburg 1981.
- Kumm, gang mr eweg. Kehrer-Verlag, Freiburg 1985
- Gälle si. Kehrer-Verlag, Freiburg 1988
- Über kurz oder lang. Kehrer-Verlag, Freiburg 1993.
Weblink
[ändere | Quälltäxt bearbeite]- Paul Nunnenmacher uf alemannisch.de
- Paul Nunnenmacher uf autoren-bw.de
- Einer, der den Alemannen aufs Maul und ins Herz schaut (Badische Zeitung, 27.06.2009)
- Paul Nunnenmacher ist tot (Badische Zeitung, 27.09.2011)