Oschtergau

S Oschtergau isch en Ortschaft und e Landschaft und en ehemoligi Gmeind im Kanton Luzern.

Sit anne 1803 het die alti Doorffgmeind zu dr luzärnische Gmeind Willisau-Land ghöört, wo sich 2006 mit Willisau-Stadt zu dr nöie grosse Gmeind Willisau zämetoo het.

Der Luzärner Volchskundler Josef Zihlmann het der Ortsname so erklärt: es isch vo der Stadt Willisau uus gseh s «Piet uf dr Oschtsyte». S alte Wort Gau oder au Gäu bedüütet e Landschaft, wo gross oder chly cha sy; me findet drzue vil Erkläärige bim schwiizerdüütsche Mundartwörterbuech Idiotikon. Dr Martin Geiger erklärt dr Name au no als e Form vom Grundwort «Au». S Piet vom Kanton Luzärn im Mittelland heisst bi de Luzärner algemein au Gäu.

Dur s Doorff Oschtergau cha men uff dr Strooss vo Willisau uf Groosswange, wo die öschtlichi Nochbergmeind vo dr Stadt isch. Und döört duure goot dr Abschnitt vom Jakobswääg zwüsche Wertheschtei und Willisau.

S Oschtergau, wie me dr Naturlandschaft zwüsche Willisau und Groosswange seit, isch e Naturlandschaft, wo i dr Schwiiz e nazionali Bedüütig het. Es isch es chlyses, breits Tääli, wo zwüsche Zylete vo Randmorääne vom yschzytliche Rüüssgletscher entstanden isch. Durs Tal lauft d Root derduur, wo vo Buholz, Geiss und Wüschiswil chunt und undedra id Seewaag mündet. Im flache Tal het’s sit 1965 es grosses kantonals Naturschutzgebiet mit es paar chlyne Seeli, wo’s gää het, wo men im Zwänzigschte Joorhundert uff ere groose Flechi Tuurben abbout het. Das Gebiet het e rychi Pflanzewält und isch wichtig für d Populazioon vo den Amphibie, wo döört lääbe.

Literatur

• Emil Steffen: Das Twingslibell der Korporation Ostergau Gemeinde Willisau-Land. In: Heimatkunde Wiggertal, 18, 1957, S. 5–19.
• Josef Zihlmann: Namenlandschaft im Quellgebiet der Wigger. 1984.

Fuessnoote

47.1138948.02117