Oscar Frey

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Oscar Frey (* 3. April 1893 z Schaffuuse; † 27. April 1945 ebe dert) isch e Schwyzer Offizier gsii.

Lääbe[ändere | Quälltäxt bearbeite]

Dr Oscar Frey isch anne 1914 as Unteroffizier in dr Aktivdienscht yygruckt un hert zäme mit sym Brueder Richard, em spetere Oberschtkorpskommandant, d Uusbildung zum Leutnant in dr Feldaspiranteschuel bstande. Är het im Erschte Wältchrieg insgsamt 1307 Däg Militärdienscht glaischtet. Anne 1921 het er d Versicherigsagentur vu sym verstorbene Vater Conrad Frey ibernuu, eme Oberscht vu dr Kavallery.

Vu 1936 bis 1942 isch dr Oscar Frey Kommandant vum baselstedtische Infanterieregiment 22 gsii. Im Winter 1940/41 het er uf aigeni Initiativ im Rame vu dr Gaischtige Landesverdaidigung effetligi Vordreeg zur Sterkig vum Widerstandswille ghalte, doderby het er mee Wärt uf Sachligkait wie uf Pathos glait. Im Friejohr 1941 het er wäge däm uf dytsche Druck e Redeverbot dur dr Bundesrot iberchuu. Är het dernoi sy Regimänt mit Fahnen am dytsche Konsulat z Basel vorby marschiere loo. Ab 1941 isch dr Frey Schef vu dr Sektion Heer un Huus vu dr Schwyzer Armee gsii.

E Härzattacke het en im Merz 1942 zum Ruggdritt vum Militerdienscht zwunge. Vum Mai 1942 bis April 1945 het er unter em Pseudonym „Legatus“ in dr Basler Nochrichte iber 350 Laagurdail verfasst. Näb em General Guisan isch dr Oberscht Frey im Zweete Wältchrieg zuen ere Simbolfigiur vum nationale Widerstand wore.

Dr Oscar Frey isch ghyrote gsii mit dr Elsa Frauenfelder. S Baar het zäme drei Chinder ghaa.

Z Basel isch syter anne 1952 d Oscar-Frey-Stross noch em gnännt.

Literatur[ändere | Quälltäxt bearbeite]

  • Philipp Wanner: Oberst Oscar Frey und der schweizerische Widerstandswille. Münsingen 1974.
  • Philipp Wanner: Oscar Frey. In: Schaffhauser Beiträge zur Geschichte. Biographien Band III. 46. Jg. 1969, S. 73–82 (PDF; 192 kB)
  • Waisch no im 22? Erinnerungsbuch Inf Rgt 22, 1912–2003. Basel 2003.

Weblink[ändere | Quälltäxt bearbeite]

Information icon.svg Dä Artikel basiert uff ere fräie Übersetzig vu dere Version vum Artikel „Oscar_Frey“ vu de dütsche Wikipedia.

E Liste vu de Autore un Versione isch do z finde.