Omanut (Schweiz)

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Omanut isch e Kulturverein z Züri.

Gschicht[ändere | Quälltäxt bearbeite]

Dr Schwiizer Regionalverein isch anne 1941 – also zmitz im Zwäite Wältchrieg – gründet worde; s hebräische Wort omanut bedüütet uf düütsch «Kunscht».

Dr eerscht Verein Omanut isch scho ane 1932 z Zagreb uf d Bei gstellt woorde. Dört het dr Sänger Marko Rothmüller bi dr Gründig ghulfe, und wo dä gly drufabe as Stadtheater z Züri cho isch, het er probiert au i dr Stadt a dr Limet mit irere starche Tradizioon vom jüdische Lääbe sonen Verein z mache. Dr Rothmüller isch i de eerschte Joore dr Vereinspresidänt gsy.

was er macht[ändere | Quälltäxt bearbeite]

Er wott öppis tue für die jüdischi Kunscht und Kultur i dr Schwiiz. Die Sachgebiet, wo sech dr Omanut drmit befasst, sind wyt: me luegt öppe für die bildendi Kunscht, füre Film, für d Literatur, d Musig und s Theater.

Sit 1995 git dr Verein emene Künschtler oder ere Künschtlerin en Prys für gueti Leischtige uf irem Gebiet vo dr jüdische Kultur.

Dr Omanut schaffet vo Fall zu Fall bi syne Projäkt mit anderne Partner zäme, eso mit dr Stadt Züri, mit em (früenere) Literaturpodium[1] und mit em Filmpodium vo Züri, mit em Kunschthuus und em Schauspilhuus vo Züri, dr Israelitische Cultusgmeind Züri und dr Jüdische Liberale Gmeind Or Chadasch z Züri.

Literatur[ändere | Quälltäxt bearbeite]

  • Katarina Holländer: Die Frage nach der jüdischen Kunst. 60 Jahre «Omanut, Verein zur Förderung jüdfischer Kunst in der Schweiz». 2001.

Weblink[ändere | Quälltäxt bearbeite]

Fuessnoote[ändere | Quälltäxt bearbeite]

  1. D Stadt Züri hät mit em Literaturpodium ane 2011 uufghört.