Nina Mavis Brunner

Us der alemannische Wikipedia, der freie Dialäkt-Enzyklopedy
d Nina Mavis Brunner (2019)

D Nina Mavis Brunner (* 25. April 1981 z Schänis) isch e Schwyzer Färnsehschurnalischti un Moderatori. Mer chännt si syt 2006 as Moderatori vum Wuchemagazin Schwyzwyt uf 3sat. Syt 2010 presäntiert si s Färnsehmagazin Tonspur – Der Soundtrack meines Lebens.[1]

Lääbe[ändere | Quälltäxt bearbeite]

D Brunner het in dr Oschtschwyz d Wirtschaftsmatura abglait un no an dr Uniwersitet Züri Ethnology un Filmwisseschaft studiert. Scho in dr Zyt vum Studium het si ne Praktikum bi TV Berlin gmacht.[2] Noch em Studium het si zerscht bi B&B Endemol Shine z Züri as Redakteuri un Moderatori vu Sport- un Nochrichtesändige gschafft. No andere berueflige Statione bim BR un in dr Redaktion vu dr Rundschau bim Schwyzer Färnseh isch si 2005 in d Schwyzer Redaktion vum Sänder 3sat gwägslet. Dert het si unter anderem Bydreg fir d Sändig Kulturzeit gmacht un het vum Wältwirtschaftsforum uf Tavaas brichtet. Syt Jäner 2006 presäntiert si d Sändig Schwyzwyt, 2007 het si d Sändig denkmal moderiert.[3] Syt Augschte 2010 isch si Moderatori vum Format Tonspur – der Soundtrack meines Lebens, derzue het si dr Thementag: Abenteuer Alpen uf 3sat moderiert. Syt em 6. Februar 2017 moderiert si uf 3sat, im Wägsle all Wuche mit drei andere Moderatore*ne, d Sändig Kulturzyt.

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Schweizer Fernsehen: Tonspur - Der Soundtrack meines Lebens. 1. Juni 2012, abgruefen am 15. November 2012.
  2. Nina Brunner: Mein Gesicht ist nebensächlich. Kulturtipp, 15. Januar 2013, abgruefen am 5. November 2020.
  3. Nina Brunner wird neue Moderatorin von «denkmal» in 3sat. Abgruefen am 17. Februar 2020.
Dä Artikel basiert uff ere fräie Übersetzig vu dere Version vum Artikel „Nina_Mavis_Brunner“ vu de dütsche Wikipedia. E Liste vu de Autore un Versione isch do z finde.