Nekrose

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Nekrose noch ere Verbrennig

Under ere Nekrose (au Nekrobiose) (griechisch νέκρωσις nékrosis „s Dööde“, au „s Abstärbe vo äinzelne Gliider“, zu νεκρόω nekroo „i due dööde“) wird in dr Biologii und in dr Medizin dr pathologisch Undergang vo äinzelne oder meerere Zälle vom ene lääbige Organismus verstande. Dr Begriff vo dr Apoptose hingege wird as dr füsiologisch Undergang vo äinzelne Zälle oder bestimmte Zällpopulazione definiert und dorum au as programmierte Zälldood bezäichnet. Nekrose git s nit nume bim Mensch und bi Dier sondern au bi Pflanze.

Gift, Bakterie, Näärstoff- und Suurstoffmangel, Radioaktiwidäät und e Hufe anders chönne under Umständ zum Zälldood füere. S Gwääb näbedra reagiert mit ere Entzündig. Dur die Entzündigsreakzion wärde Frässzälle (Makrofaage) aaglockt und die schütte entzündligi Botestoff wie dr Tumornekrosefaktor (TNF) us. Wäge däm entstoot denn im Beriich vo dr Nekrose au en Apoptose. Die cha farmakologisch blockiert wärde, und das cha au zur Therapii vo Nekrose iigsetzt wärde. Je noch dr Gwääbart häilt d Nekrose, wenn d Zälle noochwaggse, komplett ab wie zum Bischbil bi de Darmzälle noch ere Wirusinfekzion, oder dr nekrotisch Däil vom Gwääb wird dur e Narbe vo Bindgwääb ersetzt wie zum Bischbil bi dr Härzmuskle noch eme Härzinfarkt, was si Funkzion iischränkt. D Entzündigsreakzion cha au Gwääbstammzäll zum Vermeere bringe, und us dene entstöön denn wider die entsprächende Gwääbzälle.

Weblingg[ändere | Quälltäxt bearbeite]

 Commons: Nekrose – Sammlig vo Multimediadateie
Gsundheitshiwiis Bitte tue de Hiwiis zu Gsundheitsthemene biachte!
Information icon.svg Dä Artikel basiert uff ere fräie Übersetzig vum Artikel „Nekrose“ vu de dütsche Wikipedia.

E Liste vu de Autore un Versione isch do z finde.