Morphia
Die holländischi Symphonic-Doom-Metal-Band Morphia isch 1995 gründet worde. Ihri Musig isch e Mischig zwüsche Doom, Death und Gothic Metal.
Bandgschicht[ändere | Quälltäxt bearbeite]
Im 1995 hei Werner (Vocals), Erik (Bass), Bert (Mixer), Martin (Gitarre), Roger (Gitarre), Ernst-Jan (Schlagzeug), und Peter (Keyboard) e Death Metal Band gründet, wo sech mit der Zit zure Symphonic-Doom-Metal-Band entwicklet het. Im 1997 isch ihri erschti Demo-CD „Poison Minded“ usecho. Im 1998 hei d Holländer ihri erschti CD, „Unfulfilled Dreams“, ufgno. Si isch im 1999 veröffentlecht worde. Jedoch het de Sänger Werner, wo d Band e gwüssi Bekanntheit erreicht het, Morphia verloh, und drum heisi e neue Sänger müesse sueche. Wosi de de Jasper aus Sänger i d Band ufgno hei, heisi no meh lieder gschribe, und mit dene Lieder isch im 2001 e neui CD, „Frozen Dust“, ufgno worde. Im 2002 isch s Album dür d Hilf vom holländische Label Fear Dark usecho. I der nöchste Zit het Morphia mehrmous d Glägeheit gha mit bekannte Bands wie zum Bispiu After Forever, Altar oder Saviour Machine zäme z spile. Im Novämber 2004 isch, äbefaus bi Fear Dark, s Album „Fading Beauty“ veröffentlecht worde.
Mitglieder[ändere | Quälltäxt bearbeite]
- Jasper Pieterson (Vocals)
- Roger Koedoot (Guitar)
- Bert Bonestroo (Technic)
- Ernst-Jan Lemmen (Drums)
- Erik v Tulder (Bass)
- Peter v Tulder (Keyboard)
- Martin Koedoot (Guitar)
Diskografie[ändere | Quälltäxt bearbeite]
- Poison Minded (1997)
- Unfullfilled Dreams (1999)
- Frozen Dust (2002)
- Fading Beauty (2004)
- One Last Embrace (CD/DVD, 2009)