Monika Hildbrand
D Monika Hildbrand-Egli (* 9. Oktober 1952 z Ämmebrogg) isch e Schwyzer Joodleri un Sängeri vu volksdiimlige Lieder un Schlaager.
Lääbe
[ändere | Quälltäxt bearbeite]D Hildbrand isch in ere musikaalische Familie ufgwagse. Schoa se chlai het si gäärn gsunge un het im Alter vu zee Joor Gitarre gleert. Bi Familiefescht het si iri eerschte Ufdritt ghaa, si het gsunge un derzue Gitarre gspiilt.
Anne 1973, no Sproochufenthalt z Floränz un z London, het si autodidaktisch aafange Joodle leere. 1974 isch si vum Schwyzer Bandleader un Hotelier Joe (Julius) Schmid, dm Brueder vu dr Gschwischter Schmid, entdeckt woore.
Derno isch si reegelmääßig mit Live-Gsang un -Joodel uf dr Showbiini vu s Schmids Hotäl-Reschtaurant „Kindli“ z Züri vor internazionaalem Publikum ufdrätte.[1] In dr eerschte Joor het si Joodelunterriicht bi dr Klärli Schmid vu dr Gschwischter Schmid gnuu. Bi dr Oopersängeri May Steinhoff het si drei Joor lang Stimm- un Gsangstächnik studiert.
Mit dr Bigband vum Joe un em Willy Schmid het d Monika Hildbrand vu 1975 bis 1993 vyyl Gaala-Ufdritt usserhalb vum „Kindli“ im In- un Uusland absolviert – vu Dytschland bis Kenia. As Soolojoodleri isch si u. a. z Amerika, z Thailand, z Spaanien un z Itaalien ufdrätte.
Dreimool het si d Monika Hildbrand fir dr Grand Prix vu dr Volksmusik vu SRG, ZDF un ORF qualifiziert. 1991 un 1992 het si si in d Finaal-Sändige gschafft. Anne 1991 isch si uf Blatz 11 chuu mit em Lied Ja, das isch traumhaft, 1992 uf Blatz 14 mit em Lied Wir haben alle unsere Fehler.[2][3] Si het no Hyfe anderi TV- un Raadioufdritt ghaa.
Bis 2014 het d Hildbrand fimf Langspiilblatte/CD vereffetligt, ire Gsang cha mer au uf vyyl andere Doondreeger heere. Zue verschiidene Kumpesizioone het s d Täxt sälber gschriibe. Fir iri Produkzioon „Schwiizer Wunschkonzert“ hän sii un ire Produzänt Carlo Brunner 1982 e Guldeni Schallblatte kriegt (doodmool 25'000 verchaufti Doondreeger).
2015 un 2016 het d Monika Hildbrand in iiber 130 uusverchaufte Voorstellige im Zürcher Bernhard-Theater gsunge, gjoodlet un gspiilt, im musikaalische Schwyzer Luschtspiil „Stägeli uf, Stägeli ab“ vu dr spock produktion vum Erich Vock un en Hubert Spiess.[4]
Im Novämber un Dezämber 2021 het d Hildbrand as Speziaalgascht im „Nightmär-chen 'Urmel aus dem Eis'“ vum Erich Vock un em Hubert Spiess im Zürcher Theater am Hechtplatz gsunge, gjoodlet un gspiilt.[5][6]
Diskografy
[ändere | Quälltäxt bearbeite]- 1977: S' Bireböimli / Jede Mänsch Hät Syni Sorge
- 1980: En Jodelstruss
- 1982: Schwiizer Wunschkonzert
- 1984: Jodelfreud
- 1992: Jo, das isch traumhaft
- 2011: Jodel und Evergreens, alpenländisch Musikproduktionen
- 2016: Stägeli uf - Stägeli ab
- 2022: Jodel Cha-Cha, CH MUSIX
Weblink
[ändere | Quälltäxt bearbeite]- Hildbrand Monika Hildbrand bi Discogs (änglisch)
- d Monika Hildbrand bi dr Schwyzerische Nationalphonothek.
Fueßnote
[ändere | Quälltäxt bearbeite]- ↑ Kindli-Pianist, SRF, 16. Dezämber 1992
- ↑ Ja, das isch traumhaft auf hitparade.ch
- ↑ Wir haben alle unsere Fehler uf hitparade.ch
- ↑ Ensemble, Produktion "Stägeli uf, Stägeli ab
- ↑ Nightmär-chen "Urmel aus dem Eis" 2021 uf youtube.com
- ↑ Nightmär-chen für Erwachsene, uf theaterhechtplatz.ch
|
Dä Artikel basiert uff ere fräie Übersetzig vu dere Version vum Artikel „Monika_Hildbrand“ vu de dütsche Wikipedia. E Liste vu de Autore un Versione isch do z finde. |