Mitra (Vedismus)

Us der alemannische Wikipedia, der freie Dialäkt-Enzyklopedy
Hops zue: Navigation, Suech

De Mitra (Sanskrit: मित्र Mitra m.) isch e alte vedische Gott, im Hinduismus isch de Mitra mitem Sunegott Surya verschmulze.

Im Rigveda verkörperet de Mitra, sin Name bidüttet "Vertrag, Fründ", d Grechtigkait. Er werd zäme mitem Varuna gnennt und baid bildet e Paar, wo hell und dunkel, Morge und Oobe, Taag und Nacht verkörperet. De Mitra isch a de Mensche wollgsinnt und barmherzig und wacht öber Verträg. Wie de Varuna ghört er zo de Adityas.

De Mitra und de Varuna werdet imene bronzezittliche Vertrag vo de Mitanni, wo z Mesopotamie glebt hend, gnennt, wa s Alter vo dem Götterpaar bizügt. De persischi Sunegott Mithra, wo au vo römische Soldate vereert woren isch, het de gliich vorgschichtlich Uursprung wie de indischi Mitra.

Büecher[ändere | Quälltäxt bearbeite]

  • Hans Wilhelm Haussig (Hg.): Götter und Mythen des Indischen Subkontinents. Stuttgart: Klett-Cotta (1984). ISBN 3-12-909850-X