Dienstgraad

Us der alemannische Wikipedia, der freie Dialäkt-Enzyklopedy
Hops zue: Navigation, Suech


Graadabzäiche vo de Mannschafte in dr Schwizer Armee

E Dienstgraad bezäichnet d Stellig von ere Persoon innerhalb von ere definierte Rangornig bim Milidäär, aber au bi Bhörde wie dr Bolizei und zivilei Organisazioone wie dr Füürweer oder andere Hilfsorganisazioone. Mä gseet dr Dienstgrad an Rang- oder Graadabzäiche oder Kennzäiche an dr Uniform oder em Huet, Kepi etc. aazäigt. Au ander Uniformmerggmol chönne Ufschluss über e Dienstgraad gee. Bi Beamte brucht mä anstatt vom ene Dienstgraad en Amtsbezäichnig.

Allgemäins[ändere | Quälltäxt bearbeite]

Mit eme hööchere Dienstgraad chunnt mäistens au e hööchere Loon, aber nid umbedingt e hööchere Amtsrang. Dä cha d Folg von ere Dienststellig, dr Senioridäät, em Ufgoobeberiich oder von ere Aaordnig si. Ufgrund vo de Vorschrifte von ere Vorgsetzteornig cha s bassiere, ass öbber mit eme niidrigere Dienstgraad äim mit eme hööchere cha befääle. Allgemäin isch das nid üüblig, bassiert aber in bestimmte Situazioone, wie im Wachdienst, die ganz Zit.

Tüpischi Dienststellige si zum Bischbil Kompaniifäldwäibel, Kompaniischef oder Kommandierende General.

Milidäärischi Dienstgraad[ändere | Quälltäxt bearbeite]

Jeede Kombattant het e milidäärische Dienstgraad, bsundrigs die in reguläre Stritchreft. Dä macht s mööglig, im äinzelne Soldat e Blatz in dr milidäärische Hierarchii zuezordne. Über e milidäärisch Dienstgraad wärde au Befääl und Ghorsam, Gruesspflicht und zum Däil dr Verantwortigsberiich greeglet. Zu jeedem Dienstgraad ghöört e gwüsse Sold, wo aber je noch em Ufgoobeberiich cha differenziert wärde. Beförderet wird noch em milidäärische Bedaarf (Verwändig), Qualifikazioon oder Dienstalter.

Dienstgrääd bim Milidäär si mäistens in Laufbaangrubbe (Mannschafte, Underoffizier und Offizier) iidäilt und in Dienstgraadgrubbe, z. B.:

Weblingg[ändere | Quälltäxt bearbeite]

Information icon.svg Dä Artikel basiert uff ere fräie Übersetzig vum Artikel „Dienstgrad“ vu de dütsche Wikipedia.

E Liste vu de Autore un Versione isch do z finde.