Michèle Binswanger
D Michèle Binswanger (* 1972 z Baasel) isch e Schwyzer Schurnalischti, Autori un Bloggeri.
Lääbe[ändere | Quälltäxt bearbeite]
D Binswanger het an dr Universiteet Baasel Filosofy un Germanischtik studiert. Si het aafangs as Kultuurredakteeri bi dr Baasler Zytig gschafft, speeter bi Facts un bi Newsnet. Syter anne 2013 schafft si bim Tagi.
Vu 2009 bis 2011 isch si Konzäpteri un Co-Autori aktiv gsii fir dr Mamablog, e Plattform vu Tages-Anzeiger.ch/Newsnet.[1] Anne 2010 het si zäme mit dr Nicole Althaus d Publikumswaal vum Branchemagazin Schweizer Journalist zur Schurnalischti vum Joor gwunne.[2] Anne 2016 isch si zur «Gsellschaftsschurnalischti vum Joor» gweelt woore.[3]
Anne 2012 het si zäme mit dr Nicole Althaus s Buech Machomamas: Warum Mütter im Job mehr wollen sollen publiziert.[4] Im Joor 2017 isch ire zwait Buech Fremdgehen – Ein Handbuch für Frauen uusechuu.[5]
D Binswanger het zwai Chinder, e Suun un e Doochter, un läbt mi ire Familie z Baasel.
Schrifte[ändere | Quälltäxt bearbeite]
- mit dr Nicole Althaus: Machomamas: Warum Mütter im Job mehr wollen sollen. Nagel & Kimche, München 2012, ISBN 978-3-312-00526-0.
- Fremdgehen – Ein Handbuch für Frauen. Ullstein extra, Berlin 2017, ISBN 978-3-86493-050-8.
Weblink[ändere | Quälltäxt bearbeite]
- d Michèle Binswanger. In: Tagesanzeiger.ch
- d Michèle Binswanger. In: Kult.ch
- Interview mit dr Michèle Binswanger. In: Persoenlich.com, 5. Oktober 2011
Fueßnote[ändere | Quälltäxt bearbeite]
- ↑ Michèle Binswanger. Radio 1 (Memento vom 11. Dezämber 2013 im Webarchiv archive.is)
- ↑ Newsnetz-Autorinnen sind Journalistinnen des Jahres. In: Tages-Anzeiger.ch/Newsnetz vum 16. Dezämber 2010
- ↑ Daniel Ryser wird «Journalist des Jahres» 29. Novämber 2016
- ↑ Michèle Binswanger, Tages-Anzeiger online.
- ↑ Vorabdruck