Mediateek vom Wallis

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
s Huus vo dr Mediateek vom Wallis z Sitte

D Mediateek vom Wallis isch e kulturelli Instituzioon vom Kanton Wallis, wo trukti und handschriftlechi Arbete und audiovisuelli Wärch vom Wallis tuet sammle, ufbewaare und vermittle. So het si eini vo de wichtigschte regionale Sammlige vo alemannischer Literatur im Alperuum.

Dr Afang vo dr Walliser Mediateek chunt vo der Kantonsbiblioteek, wo ane 1853 ggründet worden isch. Die het 1971 e regionali Biblioteek fürs Oberwallis z Brig und 1974 eini fürs Underwallis z Sankt Moritz ygrichtet. Sid 1987 gits z Martinach au no s Walliser Film- und Fotiarchyv. Ane 2000 het die Biblioteekgruppe dr nöi Naame «Mediateek Wallis» übercho.

D Aufgob vo der Mediateek isch es, Wärch und ebe "Meedie" vo allne Gattige, wo uf irgend en Art mit em Wallis z tue händ, z sammle, z erschliesse und ufzbewaare, mit Aktiviteete, eigete Publikazioone und Usstellige über s Kulturguet und s Land und d Gschicht vom Wallis z informiere und derzue ane alles, was die vile andere Biblioteeke im Kanton Wallis mache, z koordiniere. D Mediateek het e riisegi Sammlig vo Fotografie usem Wallis und e bsunderi Musigbiblioteek; und si pflägt s Archyv vom Färnseesänder «Canal 9». Sie bütet immer mee Informazioone und Dokumänt au übers Internet aa und dokumäntiert d Präsenz vo Walliser Instituzioone ufem Netz. Mid em Projäkt «Wikivalais» tuet si Informazioone übere Kantoon imene regionaale Lexikon vermittle.

Weblink[ändere | Quälltäxt bearbeite]

 Commons: Mediathek Wallis – Sammlig vo Multimediadateie