Max Rasser

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Baseldütsch

Dr Max Rasser (* 7. April 1914 z Baasel; † 2000) isch e Baasler Archidekt und Partner im Archidektuurbüro Rasser & Vadi gsi.

Biografii[ändere | Quälltäxt bearbeite]

s Bräiti-Schuelhuus z Allschwil, 1969

Dr Rasser het e Zimmermaa- und Muurerbraktikum gmacht und e Bruefsleer as Hochbauzäichner. Vo 1933 bis 1937 het er an dr Baugwärkschuel Stuttgart Archidektuur studiert. Er het z Stuttgart bi Heinrich Henes gschafft und denn bi de BaaslerArchidektebüro Bräuning, Leu, Dürig, Willi Kehlstadt und Rudolf Christ. Wääred em Zwäite Wältchrieg isch er bi Kehlstadt gsi und isch vom Milidäärdienst dispensiert worde wil er an wichdige Bundesbaute z Bärn gschafft het. 1947 het er z Basel si äignigs Büro ufdoo. 1952 het er mit em Tibère Vadi d Partnerschaft Rasser & Vadi gründet, wo denn vor allem z Baasel und in dr Umgääbig bis in die spoote 1960er Joor Schuelhüüser, Woonhüüser und anderi Geböid im Stiil vom Nöije Baue baut het. In dr Partnerschaft het sich dr Rasser um d Konstrukzioon und d Wirtschaftligkäit kümmeret.

Litratuur[ändere | Quälltäxt bearbeite]

  • Ulrike Jehle-Schulte Strathaus: Rasser und Vadi. In: Isabelle Rucki, Dorothee Huber (Hrsg.): Architektenlexikon der Schweiz, 19./20. Jahrhundert. Birkhäuser, Basel 1998. ISBN 3-7643-5261-2. S. 433 f.
  • Walter Wurster: Zum Gedenken an Tibère Vadi. In: Werk, Bauen + Wohnen. 71, Nr. 6, 1984, S. 6 (Nachruf: Tibère Vadi uf e-periodica.ch)
Information icon.svg Dä Artikel basiert uff ere fräie Übersetzig vum Artikel „Rasser_und_Vadi“ vu de dütsche Wikipedia.

E Liste vu de Autore un Versione isch do z finde.