Max Havelaar-Stiftig

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
s nöie internazionale Max-Havelaar-Logo

D Max Havelaar-Stiftig isch en Organisazioon i dr Schwiiz. Si git sönige Handelsprodukt iires Qualitätssigel, wo nach de Regle vom faire Handel produziert und ustuuscht wäärde. Es isch e Non-Profit-Organisazioon.

Gschicht[ändere | Quälltäxt bearbeite]

Der Name vo dr Organisazioon chunt vom Roman Max Havelaar oder die Kaffeeversteigerungen der Niederländischen Handels-Gesellschaft, wo der holändisch Autoor Eduard Douwes Dekker anne 1860 gschribe het.

Di Stiftig isch anne 1992 nach em Vorbild von ere holändischen Iniziative entstande. Dr Schwiizer Organisazioon iiri Gründer sind s Hilfswäärch Brot für alle, d Caritas Schweiz, s Faschtenopfer, d Heks, d Helvetas und d Swissaid.

D Stiftig luegt uf d Qualitätsstandard, wo d Organisazioon Fairtrade International beschrybt. So wott si de Puuren und Arbeiter i dr Dritte Wält hälfe. Es goot au drum, der Bio-Landwirtschaft uf dr Wält e bessere Platz z gää und d Natur und d Umwält z schoone.

Es eigets Zyl vo Max Havelaar isch es, de Lüüt und Konsumänte i de weschtliche Länder z zeige wie faire Handel funkzioniert und wie wichtig ass er isch. Drfüür truckt men e bsundere Fairtrade-Code uf d Verpackige, wo me de Chöiffer im Internet drmit gnaui Informazioone zum Produkt git.[1] Anne 2014 isch der Umsatz vo Fairtrade-Produkt i dr Schwiiz scho uf fasch e halbi Milliarde Franke choo, im Joor 2018 uf fasch gnau achthundert Milioone Franke.

Zeerscht het d Max Havelaar-Stiftig ufe rächt Handel vom Kafi gluegt. Es isch e Zyt lang für ganz vill chlyni Kafibuure i den Entwickligsländer chuum me möglich gsi, drvoo z lääbe.

Produkt mit em Max-Havelaar-Label[ändere | Quälltäxt bearbeite]

Bis anne 2015 het d Stiftig mit iirem Logo es paar Produkt vo dene Sorte zertifiziert:

Sider het me no drzue gnoo:

Weblink[ändere | Quälltäxt bearbeite]

Fuessnote[ändere | Quälltäxt bearbeite]

  1. der Fairtrade-Code uf dr Websyte vo dr Max-Havelaar-Stiftig