Martin Neukom
Dr Martin Neukom, wo am 7. Juli 1986 z Winterthur uf d Wält cho isch, het nach de Lehr au no de Pruef vom Ingeniöör studiert und isch e Zürcher Politiker.
Ufgwachse isch er im Winterthurer Stadtchräis Välte. Zerscht het er d Lehr als Maschinezeichner gmacht und er isch i de Freizyt bim Cevi aktiv gsi, und drufabe isch er go Mechatronik-Ingeniöör studiere. Er schaffet a de Zürcher Technikerschuel ZHAW z Winterthur und für d Firma Fluxim AG. Drby isch sis Spezialgebiet as Master of Solar Energy Systems d Suneenergy, won er dezue e Dokterarbet schrybt.
Dr Neukom politisiert für di Grüene. Vo 2008 bis 2012 het er di Junge Grüene vo dr Schwiiz as Presidänt gläitet. Sid ane 2014 isch er im Zürcher Kantonsraat, won er i de Komission für Plaanig un Bou mitmacht. Ane 2015 isch sis Postulat, der Kanton Züri söll uf allne sine nöie Hüüser Solaralaagen yrichte, bim Kantonsraat durechoo. Am 24. März 2019 het en s Zürcher Stimmvolk in Regierigsraat gwäält, won er eerscht zweiedrissgi gsi isch.[1][2][3][4] Wäge demm het d FDP en Sitz i der Zürcher Kantonsregierig verloore.
Em Neukom sini Inträsse i dr Politik sind öpe: s Klima schütze, e nachhaltigi Energytechnik usboue, d Stedt wyter entwikle, em Kulturland luege, s soziale Zämeläbe pfläge, de Vercheer bsunders i de Stedt z verbessere. Er isch im Vorstand vom Verein Fuessvercheer Schwiiz.[5]
Weblink
[ändere | Quälltäxt bearbeite]- d Website vom Martin Neukom
- Neukom Martin, *1986, Mechatronik-Ing., Politiker uf winterthur-glossar.ch
- Martin Neukom uf de Website vo de ZHAW
- Martin Neukom uf de Website vo de Grüene Winterthur
Fuessnoote
[ändere | Quälltäxt bearbeite]- ↑ Reto Flury und Linda Koponen: Plötzlich Staatsmann. Wie die Zürcher Wählerinnen und Wähler den Grünen Martin Neukom überrumpelten. uf nzz.ch, abgrüeft am 25. März 2019
- ↑ Christoph Brunner: Wer ist Martin Neukom? Jung, beflissen, lösungsorientiert. uf srf.ch, abgrüeft am 26. März 2019
- ↑ Matthias Scharrer: Martin Neukom: Wer ist der 32-Jährige, der den Regierungsratssitz der Grünen zurückerobert? uf limmattalerzeitung.ch, abgrüeft am 25. März 2019
- ↑ Daniel Hackbarth: Der Empirist und das Klima (Memento vom 25. März 2019 im Internet Archive), uf woz.ch, abgrüeft am 25. März 2019
- ↑ Vorstand vom Verein Fuessvercheer Schwiiz (Memento vom 25. März 2019 im Internet Archive), abgrüeft am 25. März 2019