Marianne Engeser

D Marianne Engeser (* 11. Jänner 1957 z Pforze) isch e dytschi Bolitikeri (CDU). Vu 2011 bis 2016 isch si Mitglid vum Landdaag vu Bade-Wirttebärg gsii.

Uusbildig un Beruef[ändere | Quälltäxt bearbeite]

D Marianne Engeser het am Reuchlin-Gimnasium z Pforze s Abitur gmacht. No dr Schuel het si vu 1976 bis 1981 an dr Universitet Haidelberch Farmazy studiert, Si het as Abedekeri gschafft un isch anne 1986 an dr Universitet Marburg zum Dr. rer. nat. promoviert wore..

Bolitik[ändere | Quälltäxt bearbeite]

Anne 1998 isch d Marianne Engeser Mitglid bi dr CDU wore. Si isch im nämlige Johr au Mitglid bi dr Fraue-Union wore un isch vu 2001 bis 2013 Chraisvorsitzeri vu dr Fraue-Union Enzchrais/Pforze gsii. Bi dr Kommunalwahle 1999 isch si in Gmaitroot vu dr Stadt Pforze gwehlt wore un ghert em bis hite aa. Ihri Schärpinkt in dr Kommunlabolitik sin Schuel- un Sozialbolitik. Im Schueluusschus vum Gmairoot isch si Sprächeri vu dr CDU-Fraktion.

Bi dr Landdagswahl 2011 isch si im Wahlchrais Pforze as Ersatzkandidati fir dr domolig Minischterbresidänt Stefan Mappus gsii. Wu dä us em Landdag uusgschide isch, het si sy Landdagsmandat zum 1. Septämber 2011 ibernuu. Im Landdag isch si Mitglid im Uusschuss fir Arbet, Sozialordnung, Familie, Fraue un Seniore, im Uusschuss fir Integration un in dr Enquetekommission „Pflege“ gsii. Derzue isch si stellverdrättend Mitglid im Uusschuss fir Finanze un Wirtschaft, im Uusschuss fir Wisseschaft, Forschig un Chunscht, im Inneuusschuss, im Uusschuss fir Umwält, Klima un Energywirtschaft, im Uusschuss fir Ländlige Ruum un Verbruucherschutz, im Uusschuss fir Verchehr un Infrastruktur, im Uusschuss fir Europa un Internationals un im Petitionsuusschuss gsii. Fir ihri Fraktion isch si Sprächeri fir Droge- un Suchtbolitik gsii.

Bi dr Landdagswahl 2016 het si s Diräktmandat gege dr Bernd Grimmer vu dr AfD verlore un isch derwäge nimi in Landdag gwehlt wore.

Sunschtigs Engaschmänt[ändere | Quälltäxt bearbeite]

Erschti Vorsitzeri vum Förderverein Hospiz Pforzheim Enzkreis e. V.

Familie[ändere | Quälltäxt bearbeite]

D Marianne Engeser isch syter anne 1983 ghyrote mit em Dokter Peter Engeser. Si hän zäme vier Chinder. D Engeser isch kadolisch un läbt mit ihrem Mann z Pforze.