Maria vu Behme

Us der alemannische Wikipedia, der freie Dialäkt-Enzyklopedy
Dialäkt: Undermarkgreflerisch

D Maria vu Behme († um 1160) isch Markgrefi vu Bade un Verona gsi.

Si isch d Dochter vum Herzog Soběslav I. un dr Adleyta, dr Dochter vum Almusch vu Ungarn (Almuš Uherský). D Maria isch d Änkeldochter vum erschte behmische Chenig Vratislav II.

In ere erschte Eh het d Maria vu Behme 1138 dr Markgrof Leopold IV. vu Eschtryych († 18. Oktober 1141) ghyrote, wu syter anne 1139 au dr Herzog vu Bayern gsi isch.

Noch em Dod vum Leopold IV. het d Maria dr Markgrof Hermann III. vu Bade ghyrote.

No ihrem Dod anne um 1160 isch si in dr Grablegi vu dr Markgrofe vu Bade begrabe wore, im Augustiner-Koorherrestift St. Pancratius z Bagene.