Malawisee

Us der alemannische Wikipedia, der freie Dialäkt-Enzyklopedy
Malawisee
Malawisee us em Wältall
Geographischi Lag Oschtafrika
Zueflüss Ruhuhu
Abflüss Shire
Date
Koordinaten 12° 11′ S, 34° 22′ OKoordinate: 12° 11′ S, 34° 22′ O
Malawisee (Afrika)
Malawisee (Afrika)
Malawisee
Malawisee
Höchi über em Meeresspiegel 474 m
Flechi 29.600 km²
Seebreiti 75 km
Volume 8400 km³dep1
Maximali Diefi 704 m
Mittleri Diefi 292 m

Bsundrigs

Fischarteryychschte See vu dr Ärd

fff

Dr Malawisee (au Nyasasee, z Tansania Nyassa, Nyasa gnännt, z Mosambik Niassa; vu Yao nyasa „See“) z Oschtafrika isch dr nyyntgrescht See vu dr Ärd. Syy Abfluss isch dr Shire. D Aarainerstaate vum See sin Tansania, Malawi un Mosambik.

Geografi[ändere | Quälltäxt bearbeite]

Mit ere Lengi vu 560 Kilometer, ere Braiti vu bis zue 80 Kilometer (durschnittli 50 Kilometer) un ere Diefi vu bis zue 704 Meter isch dr Malawisee ain vu dr greschte Seeä im Oschtafrikanische Grabebruch, vu dr Flechi här wird er dert nume no ibedroffe vu vum Tanganjikasee un vum Victoriasee.

No Norde wäre d Stade gäächer. Ganz im Norde rage uf dr tansanische Syte d Livingstone-Bärg mit Gäächwänd bis zue fascht 2.500 Meter Hechi us em See.

Dierwält[ändere | Quälltäxt bearbeite]

Dr Malawisee isch bekannt fir syy Arteryychtum an muulbruetlige Buntbarsch. Insgsamt git s fascht 450 Fischarte im See, di maischte dervu sin Buntbarsch. Fascht alli Buntbarschgattige un -arte sin endemisch. Zue dr endemische Buntbarschgattige im Malawisee ghere Aulonocara, Labeotropheus, Labidochromis, Maylandia, Melanochromis, Pseudotropheus un Sciaenochromis. D Buntbarsch, wu ökologisch an di felsige Stade vum See bunde sin wäre vu dr Aawohner vum See Mbuna gnännt, di ibrige Utaka. Näbe dr Buntbarsch chemme im Malawisee Nilhächt, verschideni Welsarte, Karpfefisch, Salmler, ai Stachelool (Mastacembelus shiranus) un drei Arte vu Zahnkärpfling vor.[1][2]

Vil Buntbarsch sin beliebti Aquariefisch. Wichtigi Spyysfisch, wu au exportiert wäre, sin dr Chambo, aigetli vier Buntbarscharte us dr Gattig Oreochromis, un d Welsart Kampango (Bagrus meridionalis). In ere wirtschaftlige Mängi gfischt noch ene wird aber nume im sidligschte Dail vum Malawisee. Zum Schutz vu dr Bruetstette vu dr Fisch isch anne 1980 am Sidstade vum See bi Monkey Bay dr Malawisee-Nationalpark yygrichtet wore, wu syter 1984 au uf dr Lischte vum UNESCO-Wältnaturerb stoht.

Anderi Dier am Malawisee sin zem Byschpel Seeadler, Flusspfärd, Krokodil, Seepython un großi Waran.

Schiffsverchehr[ändere | Quälltäxt bearbeite]

Uf em Malawisee findet Passagier- un Frachtverchehr mit dr MS Ilala statt. D Häfe sin vu Side no Norde: Monkey Bay, Chipoka, Makanjila, Nkhotakota, Nkhata Bay, Mphandi Port, Ruarwe, Charo, Mlowe, Chilumba, Kambwe bi Karonga. D Hii- un Ruckfahrt Monkey Bay–Karonga goht fimf Däg. Vu Nkhata Bay wäre zwaimol in dr Wuche d Insle Chizumulu un Likoma aagloffe.

Gschicht[ändere | Quälltäxt bearbeite]

Bi Karonga lyt dr Fundort vum eltschte zue dr Gattig Homo gstellte Fossil, wu bishär vu Paläoanthropologe entdeckt woren isch. Dr iber zwoo Millione Johr alt Unterchifel het d Archivnummere UR 501 iberchuu un isch vu syym Entdecker Friedemann Schrenk as Homo rudolfensis yygordnet wore.

Nkhotakota isch ain vu dr eltschte Märtblätz vu Afrika sidlig vu dr Sahara. Syy Gschicht isch wenig erforscht.

As erschte Europäer isch am 16. Septämber 1859 dr britisch Afrikaforscher David Livingstone an dr Malawisee chuu.

Weblink[ändere | Quälltäxt bearbeite]

 Commons: Malawisee – Sammlig vo Multimediadateie

Fueßnote[ändere | Quälltäxt bearbeite]

  1. Fishbase Species in Lake Malawi
  2. Petru Banaescu: Zoogeography of Fresh Waters. Seite 1152, AULA, Wiesbaden 1990, ISBN 3-89104-480-1
Dä Artikel basiert uff ere fräie Übersetzig vum Artikel „Malawisee“ vu de dütsche Wikipedia. E Liste vu de Autore un Versione isch do z finde.