Maja Gehrig
| Dialäkt: Undermarkgreflerisch |
D Maja Gehrig (* 1978 z Züri) isch e Schwyzer Animazionsfilmeri.
Lääbe[ändere | Quälltäxt bearbeite]
D Maja Gehrig het vu 1999 bis 2000 dr Gstalterisch Vorkurs an dr Hochschuel fir Gstaltig un Chunscht Züri (hite: ZHdK) bsuecht. Derno het si zwai Johr Mediechunscht an dr Fachhochschuel Aarau studiert un het druf e Praktikum bi Eesti Joonisfilm z Tallinn, Eschtland gmacht. Vu 2003 bis 2005 het si ne Bachelor im Studiefach Animazion an dr Hochschuel Lozärn – Design & Chunscht gmacht. Ire Bachelor-Abschlussfilm Une nuit blanche isch an dr Soledurner Filmdääg mit em Noowugsbryys vu dr Suissimage/SSA uuszaichnet wore.
Vu 2006 bis 2011 isch si Kurateri im Artspace Rondeel Maastrich ARM in dr Niderlande gsii, wu si Inschtallazione un Performance realisiert het. 2011 het si Produkzionsfirma Gehrig Trick & Sohn mit Sitz z Züri grindet.
Iri Animazionsfilm Amourette (2009), Königin Po (2015) un Average Happiness (2019) sin an Hyfe Feschtiwäl im In- un Uusland zaigt un e baarmool uuszaichnet wore. Fir dr letscht het si 2020 dr Schwyzer Filmbryys in dr Kategory Beschte Animazionsfilm iiberchuu.[1]
Im Septämber 2020 het si ne Artist Talk an dr Ars Electronica ghalte.[2]
Syter anne 2019 isch si zäme mit em Weschtschwyzer Animazionsfilmmacher Elie Chapuis Co-Bresidänti vum Groupement Suisse du film d’animation (GSFA).[3]
D Maja Gehrig läbt z Züri.
Filmografy[ändere | Quälltäxt bearbeite]
- 2003: Metawalz
- 2003: Triple Texas Dream
- 2004: Teestunde
- 2004: Mister Mocco
- 2004: 2PS
- 2005: Une nuit blanche
- 2009: Amourette
- 2012: Bergzeug animiert
- 2015: Königin Po
- 2019: Average Happiness
- 2022: Still Life with Emotion Blur
- 2023: Empty Roles
Weblink[ändere | Quälltäxt bearbeite]
- Maja Gehrig in dr Internet Movie Database
- Maja Gehrig bi swissfilms.ch
- d Maja Gehrig uf dr Syte vum GSFA Groupement Suisse du film d’animation
- Aigeni Websyte Gehrig Trick & Sohn
- d Maja Gehrig uf Vimeo
- Videobresäntazion vu dr Maja Gehrig zue Average Happiness im Rame vum Annecy Film Festival uf youtube
Fueßnote[ändere | Quälltäxt bearbeite]
- ↑ Knittel Simone: Gewinnerin des Schweizer Filmpreises: Maja Gehrig am Fantoche. Abgruefen am 14. Februar 2021.
- ↑ Artist Talk: Maja Gehrig (CH). Abgruefen am 14. Februar 2021 (de-DE).
- ↑ Organisation - Über uns - Swiss Animation. Abgruefen am 14. Februar 2021.
|
Dä Artikel basiert uff ere fräie Übersetzig vu dere Version vum Artikel „Maja_Gehrig“ vu de dütsche Wikipedia. E Liste vu de Autore un Versione isch do z finde. |