Madonna (Künstlerin)

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
D Madonna (2015)

D Madonna [məˈdɑna] (* 16. August 1958 z Bay City, Michigan als Madonna Louise Ciccone, syt irere Firmig 1967 Madonna Louise Veronica Ciccone) isch en US-amerikanischi Sängeri, Songschryberi, Schauspileri, Autorin, Regisseurin, Produzäntin und Designeri.

D Madonna isch i de 1980er Jahr mit Hits wie Like a Virgin (1984), Material Girl (1985), La Isla Bonita (1987) und Like a Prayer (1989) zum Megastar ugstige. Wyteri Wälthits wie Vogue (1990), Frozen (1998), Music (2000), Hung Up (2005), 4 Minutes (2008) und Give Me All Your Luvin (2012), mit dene si sich über Jahrzähnt a de Spitze vo de wältwyte Charts behauptet het, hend ire Ruef als globali Pop-Ikone gsteigeret. Si het zwüsche 300 und 350 Millione Tonträger wältwyt verchauft.[1] Demit isch si di kommerziell erfolgrychsti Sängeri vo de Wält und uf Platz 4 vo de wältwyt erfolgrychste Interprete. Im Guinness-Buech vo de Rekord isch si im Lauf vo irere Karriere mehrfach als erfolgrychsti Musikeri vo de Wält und als Sängeri mit de meiste verchaufte Tonträger vo allne Zyte ufgfüehrt worde.[2][3][4][5] I de Gschicht vo de amerikanische Billboard-Charts isch si der erfolgrychsti Solo-Künstler und rangiert hinder de Beatles uf Platz 2.[6] Mit 50 Songs a de Spitze vonere singuläre Sparte vo de Billboard-Charts isch si dr ersti und bishär einzigi Künstler, wo so vili Nummer-eis-Hits i füüf verschidne Jahrzähnt het chönne erziile.[7]

Iri Sticky & Sweet Tour (2008) und iri MDNA Tour (2012) sind uf de Plätz eis und drü vo de erfolgrychste Welttournee vonere Sängeri.[8] Für d Musigfachzytschrift Rolling Stone isch iri Blond Ambition Tour (1990) „die grossartigsti Konzärttour vo de 90er-Jahr“.[9][10] Währed ires Musigvideo zue Like a Prayer (1989) vom Musigsänder MTV zum popkulturell bahnbrächendste Musigvideo gwählt worden isch,[11] gilted s Album Erotica (1992) als s kontrovärsiste Pop-Album vo de 1990er-Jahr.[12]

D Madonna wird vo de Medie und irne Fans au als Queen of Pop bezeichnet. Zuedem gilted si als ersti Frau im Musigbusiness, wo jede Schritt vo irere Karriere kontrolliert und immer volli Verantwortung für ires Image i dr Öffentlichkeit träit het.[13] Zäme mit em Michael Jackson und em Prince ghört d Madonna zu de drü wichtigste Verträtter vo de modärne Popmusig.[14] Dur ire grosse kulturelle Yyfluss ghört si luut em Time-Magazine zu de 25 mächtigste Fraue vom letschte Jahrhundert.[15]

Näbe sibe Grammys (u. a. 1998 für Ray of Light) het si au zwei Golden Globes (1997 für iri Darstellig vo de Evita Perón i de Musicalverfilmung Evita und 2012 für de Filmsong Masterpiece us em Film W.E., bi dem si au Regie gfüehrt het. Usserdem het si mehreri Chinderbüecher gschribe und isch 2008 i d Rock and Roll Hall of Fame ufgnuu worde. Si isch mit eme gschätzte Vermöge vo über 1 Milliarde US-Dollar eini vo de rychste Persone im Musiggschäft.[16][17]

Weblink[ändere | Quälltäxt bearbeite]

 Commons: Madonna – Sammlig vo Multimediadateie

Einzelnachwys[ändere | Quälltäxt bearbeite]

  1. Lane, Dan. Madonna’s Top 40 most downloaded tracks revealed! , The Official UK Charts Company, British Phonographic Industry, 29. März 2012. Abgruefen am 27. Januar 2013. 
  2. Madonna Art Vision: Guinness World Records: Madonna is the best selling female recording artist of all time – Madonna Art Vision. In: Madonna Art Vision. (madonna-art-vision.com [abgerufen am 11. Januar 2018]).
  3. Guinness World Records « Today In Madonna History. Abgruefen am 11. Januar 2018 (änglisch).
  4. Best-selling female recording artist. In: Guinness World Records. (guinnessworldrecords.com [abgerufen am 15. August 2018]).
  5. HERE’S WHY MADONNA IS MUSIC’S ULTIMATE QUEEN. Abgruefen am 17. Januar 2019 (änglisch).
  6. Greatest of All Time Hot 100 Artists : Page 1. In: Billboard. (billboard.com [abgerufen am 12. November 2017]).
  7. Madonna Achieves Milestone 50th No. 1 on Dance Club Songs Chart With 'I Don't Search I Find'. 13. Februar 2020, abgruefen am 26. März 2020.
  8. Madonna Extends Record as Highest-Grossing Solo Touring Artist: $1.31 Billion Earned. In: Billboard. (billboard.com [abgerufen am 12. November 2017]).
  9. Mark Savage: Madonna returns to scene of Brits fall. In: BBC News. 2. Dezember 2015 (bbc.com [abgerufen am 8. Dezember 2017]).
  10. The 50 Greatest Concerts of the Last 50 Years. Abgruefen am 8. Dezember 2017.
  11. Madonna tops MTV's list of groundbreaking videos. In: CBC News. (cbc.ca [abgerufen am 7. Januar 2018]).
  12. Madonna's 'Erotica' Turns 25: An Oral History of the Most Controversial '90s Pop Album. Abgruefen am 21. Februar 2019.
  13. 100 Greatest Artists. Abgruefen am 4. Januar 2018.
  14. Trauriges Jubiläum: Michael Jackson, Prince und Madonna werden 60 - derStandard.de. Abgruefen am 6. Juni 2018.
  15. Michelle Castillo: The 25 Most Powerful Women of the Past Century. In: Time. 18. November 2010, ISSN 0040-781X (time.com [abgerufen am 16. Juli 2018]).
  16. Madonna Reaches $1 Billion Net Worth. In: E! News. (eonline.com [abgerufen am 2. März 2018]).
  17. Madonna Bests Paul McCartney As World's Richest Recording Artist. Abgruefen am 12. November 2017.
Information icon.svg Dä Artikel basiert uff ere fräie Übersetzig vum Artikel „Madonna_(Künstlerin)“ vu de dee Wikipedia. E Liste vu de Autore un Versione isch do z finde.