Schwarzwald-Stadion

Us der alemannische Wikipedia, der freie Dialäkt-Enzyklopedy
(Witergleitet vun MAGE SOLAR Stadion)
Hops zue: Navigation, Suech
Schwarzwald-Stadion
friejeri Näme:
Dreisamstadion (1954-2004)
Badenova-Stadion (2004-2011)
Mage Solar Stadion (2012-2014)
Stadion an der Schwarzwaldstraße (2014)
Schwarzwald-Stadion
Schwarzwald-Stadion
Date
Ort Fryybeg, DeutschlandDeutschland Dytschland
Verein SC Fryybeg
Eröffnig 1954[1]
Kapazität 24.000[1] Plätz
Oberflechi Naturwase
Sanierige 1970, 1980, 1993–1995, 1999, 2004
Veraastaltige
  • Spiele des SC Freiburg
Nordweschte
Nordtribüne
Solarkollektore uf em Dach

S Schwarzwald-Stadion isch d Wettkampfstätte vum Fueßball-Erschtligischt SC Fryybeg z Fryybeg. S lyt im eschtlige Stadtdeil Waldsee an dr Schwarzwaldstroß. Bis Juni 2004 het s Stadion, wu 24.000 Zueschauer fasst, dr Name Dreisamstadion drait, vu dert aa bis im Dezämber 2011 badenova Stadion noch em Energiversorger badenova, vu Jänner 2012 bis Mitti 2014 Mage Solar Stadion, churzi Zyt Stadion an der Schwarzwaldstraße un syt em Spotjohr 2014 dr jetzig Namme.

Gschicht[ändere | Quälltäxt bearbeite]

Noch em Zweete Wältchrieg het dr SC Fryybeg zerscht kai aigene Sportblatz ghaa. Erscht anne 1953 het dr Verain e Gländ im Oschte vu dr Stadt ibernuu. Dert isch derno ne Sportblatz aaglait wore, wu am 4. Septämber 1954 offiziäll yygweit woren isch. 1970 isch dr Sportblatz zerscht um e Tribine mit 480 Sitzblätz erwyteret wore,[1] acht Johr speter - noch em Ufstiig in di 2. Bundesliga – isch dr erscht groß Uusböu chuu. Mit dr Errichtig vun ere Haupttribine un dr Erwyterig vu dr Stohräng isch d Kapazitet uf 15.500 Blätz gstiige. Derzue isch au ne Fluetlichtaalag ischtalliert wore.

In dr Winterpause vu dr Saison 1994/1995 isch mit em Böu vun ere neie Hinterdortribine (Sid-Syte) aagfange wore, wu d Böuarbete im Juni/Juli 1995 fertig gsii sin, het s Stadion derno ne Kapazitet vu 18.000 ghaa.

Uf di hitig Greßi isch s schließlig anne 1998 chuu, wu d Nord- un d Oschttribine erwyteret bzw. neierrichtet wore sin. D Nordtribine bietet 6000 Zueschauer ne Stohblatz, uf dr Oschttribine het s 6000 Sitzblätz. Boodi Tribine sin iberdacht. Vor dr Oschttribine sin au behindertegrächti Blätz diräkt am Spiilfäld entstande.

Insgsamt bietet s Stadion jetz 24.000 Zueschauer Blatz (14.000 Sitzblätz un 10.000 Stohblätz).[1] Alle Tribine sin iberdacht. Wäg ere Chlag us dr Nochberschaft isch s em Verain untersait wore, d Kapazitet vum Stadion wyter z vergreßere.

Mittlerwyyli isch s Stadion wyter umböue wore. Iber zwai Photovoltaik-Chraftwärch mit ere Laischtig vu 146.000 kWh pro Johr wird e große Dail vum Energibedarf deckt.[1] Au d Wasehaizig wird umwältschonend mit Stirlingmotore bedribe. Mit em Aaböu vun eme Funktionsgebei anne 2004 isch s fir VIP-Gescht no chummliger wore. Des Gebei lyt im Nordweschtecke vum Stadion. Hinter dr Nordtribine isch e Fanhuus böue wore, wu dur d Fangmainschaft (Dachverband der Organisierten SC-Freiburg Fans) gfiert wird.

Scho ne baar Mol het s im Stadion Länderspiil gee, zletscht het di Dytsch Fueßballnationalmannschaftf churz vor dr Fueßball-Wältmaischterschaft 2006 e Fryndschaftsspiil gege Luxemburg gspiilt, in dr Fueßball-Wältmaischterschaft het s Stadion as Trainingsblatz fir di Niderländisch Nationalmannschaft dient, wu ihre Quartier z Hinterzarte ghaa het.

Di dytsch Nationalmannschaft vu dr Fraue het am 28. Februar 2008 e Fryndschaftsspiil gege China an dr Dreisem bstritte. Drotz ass dr Termin am e vieri am Nomittag am e Dunschtig seli uuginschtig gsii isch, sin ainewäg fascht 20.000 Zueschauer chuu un hän e 2:0-Siig vu dr dytsche Mannschaft gsää. Im Mai 2010 isch d Nationalmannschaft vu dr Niderlande uf Fryybeg returchuu. In der WM-Vorberaitig het "Oranje" ne Teschtspiil gege d Nationalmannschaft vu Mexiko bstritte.

Mer chunnt guet zum Stadion iber d Stadtbahnlinie 1 in Richtig Littewyyler oder iber Bahnhof Littewyyler vu dr Helledalbahn. Bi Haimspiil wäre di boode Zuefahrtsstroße, d Schwarzwaldstroß un d Heinrich-Heine-Stroß, fir Nit-Aaliiger gspeert.

Plakette vu dr Stadt zum Uusböu

Stadionneibau[ändere | Quälltäxt bearbeite]

Wel s Schwarzwald-Stadion chuum no dr Aaforderige an e modärn Stadion entspricht, sin megligi Standort fir e nei Stadion gsuecht wore. In ere Machbarkaitsstudie sin insgsamt zeh Standort uf em Baan vu dr Stadt uf ihri Aignig untersuecht wore, wu aber alli wenig Uussicht uf e Realisierig hän.[2]

Am 25. Februar 2014 het dr Fryyberger Gmairot mit 35 Jo-Stimme vu 45 meglige Stimme fir e verdiefti Untersuechig vum Standort „Wolfswinkel“ un e Burgerentschaid gstimmt. Am 1. Februar 2015 hän d Burger vu Fryybeg mit 58,2 % fir dr Stadionneibau im Wolfswinkel gstimmt.

Länderspiil[ändere | Quälltäxt bearbeite]

Manne[ändere | Quälltäxt bearbeite]

Vier Länderspiil vu dr dytsche Fueßballnationalmannschaft vu dr Manne het s im Dreisamstadion bzw. Badenova-Stadion gee.

Derzue hän di niderländisch un di mexikanisch Fueßballnationalmannschaft gegenenander gspiilt.

Fraue[ändere | Quälltäxt bearbeite]

D Frauenationalmannschaft isch bishär aimol im Fryybeger Stadion z Gascht gsii.

Literatur[ändere | Quälltäxt bearbeite]

  • Werner Skrentny (Hrsg.): Das große Buch der deutschen Fußballstadien. Verlag Die Werkstatt, Göttingen 2001, ISBN 3-89533-306-9, S. 129–131

Fueßnote[ändere | Quälltäxt bearbeite]

  1. 1,0 1,1 1,2 1,3 1,4 Stadionfakte uf dr offiziälle Websyte vum SC Fryybeg
  2. Badischi Zytig vum 25.11.2010

Weblink[ändere | Quälltäxt bearbeite]

47.9888888888897.8930555555556Koordinaten: 47° 59′ 20″ N, 7° 53′ 35″ O

Information icon.svg Dä Artikel basiert uff ere fräie Übersetzig vum Artikel „Schwarzwald-Stadion“ vu de dütsche Wikipedia.

E Liste vu de Autore un Versione isch do z finde.