Mooswai

Us der alemannische Wikipedia, der freie Dialäkt-Enzyklopedy
Mooswai

Mooswai (Buteo buteo)
Warnruef/?

Systematik
Chlass: Vögel (Aves)
Ordnig: Griifvögel (Falconiformes)
Familie: Happechartigi (Accipitridae)
Underfamilie: Bussardartigi (Buteoninae)
Gattig: Bussard (Buteo)
Art: Mooswai
Wüsseschaftlige Name
Buteo buteo
(Linnaeus, 1758)
d Eier vom Mooswai

De Mooswai oder Henevogel (latynisch Buteo buteo; alemanischi Näme) isch de hüüffigsti Griiffvogel vo Mitteleuropa, wo s ganz Joor döre vorchunnt. I den Alpe lebt er bis zonere Hööchi vo 2100 Meter öber Meer. Jungi Mooswai flüüget im Winter as Mittelmeer, di Alte bliibet zrugg. Deför öberwinteret i Mitteluropa Mooswai us Osteuropa.

Uussie[ändere | Quälltäxt bearbeite]

De Mooswai isch e bruune Vogel, wo individuell verschide gfärbt isch, de Buuch isch heller. Mandli und Wiibli underschaidet sich nöd im Uussie. De bim Flüüge brait gfächreti Schwanz und di braite Flögel hend schwarzi Spitze. Mooswai wered 46 bis 58 cm grooss, hend e Spannwiiti vo 110 bis 130 cm und wöget 600 bis 1300 Gramm.

Lebeswiis[ändere | Quälltäxt bearbeite]

De Mooswai chunnt vom Wald, öber offnigi Landschafte bis zo Füechtpiet vor. Er baut sin Horst uf Bömm am Waldrand oder i Felswänd. Zom Jage hockt er anere hööche exponierte Stell oder er chraist i de Luft. Er fresst vor alem Müüs, aber au Vögel, Amphibie und mengisch au Aas. Hüüffig versuechet Chraie em Mooswai d Büüti abznee und en zvertriibet.

Büecher[ändere | Quälltäxt bearbeite]

  • H.-G. Bauer, E. Bezzel, W. Fiedler: Das Kompendium der Vögel Mitteleuropas – alles über Biologie, Gefährdung und Schutz. Band 1: Nonpasseriformes – Nichtsperlingsvögel. 2. vollst. überarb. Aufl., AULA-Verlag, Wiebelsheim 2005 ISBN 3-89104-647-2
  • S. Cramp, K. E. L. Simmons (Hrsg.): The Birds of the Western Palearctic, Vol. 2. Oxford University Press, Oxford 1980 ISBN 0-19-857505-X
  • D. Forsman: The Raptors of Europe and the Middle East: A Handbook of Field Identification. T & A D Poyser Ltd., London 1999 ISBN 0-85661-098-4
  • U. Glutz von Blotzheim; K. M. Bauer, E. Bezzel: Handbuch der Vögel Mitteleuropas, Band 4 Falconiformes. Akademische Verlagsgesellschaft, Frankfurt am Main 1971 ISBN 3-400-00069-8
  • Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7
  • T. Mebs, D. Schmidt: Die Greifvögel Europas, Nordafrikas und Vorderasiens. Franckh-Kosmos Verlags GmbH & Co. KG, Stuttgart 2006 ISBN 3-440-09585-1

Weblink[ändere | Quälltäxt bearbeite]

 Commons: Mooswai – Sammlig vo Multimediadateie