Dr Ludwig-Uhland-Preis ischt em Jôhr 1991 vom Karl Herzog von Württemberg gschdifdet wôrra. Benannt wôrra isch der Preis nôch-em Ludwig Uhland (1787 bis 1862), ama deitscha Dichtr, Litradurwissaschaftler ond Politiker us-em Schwôbland. Dô drmit sollet Leit auszoichnet werra,
wo mit ihrem Werk maßgeablich zom Vrstendnis vo dr Kuldur vo Wirdaberg odr zomendescht vom deitscha Sidweschda beitraga hend,
wo wichdige Studia ibr da Ludwig Uhland vorglegt odr sich uff-ma Arbeitsgebiet vom Uhland auszeichnet hend,
wo en dr Mundartforschong odr dr Mundartdichdong mit maßgeabliche Arbeida hervortreda send.
Der Preis isch dotiirt mit 10.000 Euro. Seit em Jôhr 2001 geit’s drzua noh an Ferderpreis vo 5.000 Euro. Bewerba kôô mr sich om dean Preis et. Wer-en kriagt, entscheidet a Gremiom. D Vrleihong ischt älle zwoi Jôhr, en dr Regl am Ludwig Uhland seim Geburtsdag, am 26. Abril. Dr Feschtakt fendet em Ordenssaal vom Residenzschloss Ludwigsburg schdadd.
2015: d Susanne Hinkelbein, a Kombonischdin ond Theaterautorin
2017: dr Stefan Knödler, a Germanischt
2019: dr Dominik Kuhn, a schwäbischer Sprochkenschtler
Dä Artikel basiert uff ere fräie Übersetzig vum Artikel „Ludwig-Uhland-Preis“ vu de dütsche Wikipedia. E Liste vu de Autore un Versione isch do z finde.