Lohnhof

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dr Loonhoof, vo Südweste us gsee mit dr Georgsskulptuur vom Carl Nathan Burkhardt
Dialäkt: Baseldütsch
Dr Loonhoof (oobe) am Koolebärg vo Süüde
Dr Iigang zum «Bird's Eye» Dschääsklub.

Dr Loonhoof isch e historische Geböidkomplex z Basel. Er befindet sich bi dr Leonhardschille am Koolebärg in dr Groossbasler Altstadt.

Gschicht[ändere | Quälltäxt bearbeite]

S Chorherestift[ändere | Quälltäxt bearbeite]

1206 isch dr Bau, wo denn no käi Naame ghaa het, as Choorheerestift vom Augustinerorde baut worde. Si ersti Erwäänig stammt us em Joor 1668. Dr Vorsteher über s stedtische Bauwääse het dört d Löön an d Handwärker uszaalt, und vo do dr Naame. Dr Vorgängerbau vom Loonhoof und dr Leonhardschille isch e Saalchille gsi, wo woorschinlig im 11. Joorhundert baut worden isch. Dört isch im 12. Joorhundert au e Chloster gsi, wo nume d Friidhoofhalle von em üübrig isch.

S Gfängnis[ändere | Quälltäxt bearbeite]

Lang het mä d Dürm vo dr Stadtmuure as Gfängniss brucht, het die aber no di no ufgee und so het mä e Löösig müesse sueche. Dr Basler Archidekt Amadeus Merian het d Idee ghaa ass mä us em Loonhoof e Bolizeistazioon mit Gfängnis chönnt mache, und 1821 isch d Kantonsbolizei dört iizooge. Dr Merian het s Gfängnis entworfe, aber chirchligi Kräis häi sich gegen es Gfängnis grad näbe dr Chille gweert, und mä het s erst 1835 chönne afo benutze. Dr Merian het dr Boste vom stedtische Baumäister überchoo und het 1839 vorgschlaage, ass mä au d Bolizeidiräkzioon chönnt im Loonhoof underbringe. Das isch fümf Joor spööter au bassiert. 1853 het mä s Geböid under dr Läitig vom Merian no äinisch umbaut.

D Brivatisierig 1995[ändere | Quälltäxt bearbeite]

1995 het mä dr Waaghoof baut und s Gefängnis dörtaane züüglet. Im Loonhoof befinde sich sithär s Hotel «Au Violon» (dr Naame isch en Aaspiilig uf s ehemoolige Gfängnis), die «Baseldytschi Bihni», e Dschääsklub und s «Muusigmuseum Basel». S Museum stammt vom Archidekduurbüro Morger & Degelo. Im Pförtnerhuus befindet sich hüte e Daageshäim.

Weblingg[ändere | Quälltäxt bearbeite]

 Commons: Lohnhof, Basel – Sammlig vo Multimediadateie
Information icon.svg Dä Artikel basiert uff ere fräie Übersetzig vum Artikel „Lohnhof“ vu de dütsche Wikipedia.

E Liste vu de Autore un Versione isch do z finde.

47.5547277.587724Koordinaten: 47° 33′ 17″ N, 7° 35′ 16″ O; CH1903: 611223 / 267123