Baseldytschi Bihni

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Baseldütsch

Die Baseldytschi Bihni isch e Chlaitheater im Lohnhof in dr Schwizer Stadt Basel. Si wird vom Verein «Baseldytschi Bihni» dräit.

Gschicht[ändere | Quälltäxt bearbeite]

1892 isch die «Dramatische Gesellschaft» gründet worde, wo sich 1925 vorgnoh het, s Mundarttheater z pfläge, und ihre Name zu «Dialektgruppe Baseldytschi Bihni» gänderet het. En äignigi Bühni het dr Verein nonig gha. D Mitgliider häi in verschidnige Lokal brobt und ufgfüehrt, drunder im Café Spitz, in dr Cardinal­halle, dr Burgvogtei-Halle, im Gundeldinger-Casino, im Stadttheater, im Kiechli und im Saal im Griifebräu-Horburg. In de 1960er Johr häi si im e Chäller in dr Lienertstrooss 7 Blatz überchoo, wo si drus e chliins Theater gmacht hai. Wäge de Erwiiterige vo de Gymnasie am Kohlebärg, wo 1997 zum Lienert-Gümnasium zämmegläit worde si, häi si 1995 ihre Chäller an dr Lienertstrooss müesse ufgee, häi denn aber e Chäller im Lohnhof 4 überchoo und häi dä as Bühni iigrichdet. S Theater het fast hundert Sitzblätz im Parket und meh as vierzig uf em Balkon.

S Brogramm[ändere | Quälltäxt bearbeite]

Wil eigetlig braktisch keini Mundartstück me gschriibe wärde, übersetze und adaptiere d Lüt vo dr «Baseldytsche Bihni» modärni fremdsproochige Stück sälber, so zum Bischbil «D Grille und d Ameise» vom spanische Autor Alfonso Paso, «Bi dr Ginette lyttets!» (noch em François Campaux sim Boulevardstück «Des enfants de Coeur») oder d Komödie «Lifting» vom Pierre Chesnot. Gspiilt wird am Donnschdig, Fritig und Samschdig. In ere Säson, wo vom Novämber bis zum Mai goht, git s von ere Inszenierig 60 bis 70 Uffüehrige.

Theaterkurs[ändere | Quälltäxt bearbeite]

Die «Baseldytschi Bihni» het aagfange mit eme Theaterkurs für Zwölf- bis Sächzähjöhrigi.

Quelle[ändere | Quälltäxt bearbeite]

47.55467.5885Koordinaten: 47° 33′ 17″ N, 7° 35′ 19″ O; CH1903: 611281 / 267109