Lippeblietlerartigi

Lippeblietlerartigi
Wyssi Imesuugi (Lamium album), e Verdrätter vu dr Lippeblietler (Lamiaceae)
Systematik
Chlass: Decktsomer (Magnoliopsida) Eudikotyledone Chärneudikotyledone Aschteride Euaschteride I Ordnig: Lippeblietlerartigi
Wüsseschaftlige Name
Lamiales
Bromhead

Waichi Bääredappede (Acanthus mollis), e Verdrätter vu dr Akanthusgwächs (Acanthaceae)

D Lippeblietlerartige (Lamiales) sin e Pflanzenornig, wu zue dr Decktsomer (Magnoliopsida) ghert.

Bschrybig

Di maischte sin chrutigi Pflanze, e Dail Taxa sin Baim un Hecke. S git au parasitischi un karnivori Taxa. Zmaischt sin d Laubbletter gegeständig, sälte stehn si wächselständig oder in Quirl.

Di zmaischt zwittrige Bliete chenne vier- oder fimfzellig syy. Zmaischt het s nume zwai oder vier Staubbletter. E jedi Bliete hetz maischt zwai, sältener bis zue fimf Fruchtbletter. Zmaischt isch dr Fruchtchnopf dur falschi Schaidwänd in vier Chammere unterdailt, wu s je ai Somenaalag din het.

Sischtematik

D Lamiales sin innerhalb vu dr Euaschteride I d Schweschtergruppe zue dr Solanales. Si umfasse die Familie:

• Akanthusgwächs (Acanthaceae)
• Drumpetebaumgwächs (Bignoniaceae)
• Rägebogepflanzegwächs (Byblidaceae)
• Schlappebluemegwächs (Calceolariaceae)
• Carlemanniaceae
• Gesneriegwächs (Gesneriaceae)
• Lippeblietler (Lamiaceae)
• Wasserschluuchgwächs (Lentibulariaceae)
• Linderniaceae
• Gämsehorngwächs (Martyniaceae)
• Elbaumgwächs (Oleaceae)
• Summerwurzgwächs (Orobanchaceae)
• Blauglockebluemegwächs (Paulowniaceae)
• Sesamgwächs (Pedaliaceae)
• Gauklerbluemegwächs (Phrymaceae)
• Wääderrichgwächs (Plantaginaceae)
• Plocospermataceae
• Schlegeliaceae
• Racheblietler (Scrophulariaceae)
• Stilbaceae
• Tetrachondraceae
• Thomandersiaceae
• Yysechrutgwächs (Verbenaceae)

E veraifacht Kladogramm (no dr Angiosperm Phylogeny Group), wu aber no Uusicherhaite het, siht eso uus:

Plocospermataceae       Carlemanniaceae       Oleaceae       Tetrachondraceae       Calceolariaceae       Gesneriaceae       Plantaginaceae       Scrophulariaceae       Stilbaceae       Byblidaceae       Linderniaceae       Pedaliaceae       Martyniaceae       Acanthaceae       Bignoniaceae       Schlegeliaceae       Lentibulariaceae       Thomandersiaceae       Verbenaceae       Phrymaceae       Orobanchaceae       Paulowniaceae       Lamiaceae

D Gesneriaceae sin schyns zue Calceolariaceae un d Phrymaceae zue dr Orobanchaceae un dr Paulowniaceae paraphyletisch.

Weblink

 Commons: Lippenblütlerartige – Sammlig vo Multimediadateie

• D Ornig vu dr Lamiales bi dr APWebsite
• Uflischtig vu allne Familien un Gattige vu dr Ornig

Dä Artikel basiert uff ere fräie Übersetzig vu dere Version vum Artikel „Lippenblütlerartige“ vu de dütsche Wikipedia. E Liste vu de Autore un Versione isch do z finde.